Сурста тиф стирня

Эрясть-ащесть атят-бабат. Ашель касысна, ашель прянь лажисна. Мольсь бабась, шяфть ла-зондсь. Керозе пяльхкянянц, сотозе лоскоткаса, путозе печуркас. Эрясь фкя сутка и корхтай:

— Мама, мама, мама! Ну, бабась корхтай:

— Атя, атя, атя! Варжак, морай! Аш шачинеськ, аш прянь лажинеськ, ювади «Мама!».

И сась атясь, варжазе — печурканяса стирня. Сявозь сонь, щазь-карязь, кучезь щеняс-щавас. Лиссь каршезонза щаканя и корхтай:

— Стирняй, ков молят?

— Щеняс-щавас! Вятезе ляйняс.

— Дай, эшелятама.

Каязе щамонц. Лиссь щаканясь инголи, щазе стирнять щамонц. Стирнясь лядсь галош. Ювади:

— Мамакай, щаканясь щазень щамнянень! Кулезе мамац. Сась щаканяти и корхтай:

— Мес тон щайть щамнянзон? Щаканясь корхтай:

— Мон нарошна.

Максозень щамонзон меки стирняти и тусь щаканять мархта щеняс-щавас. Мольсть тага эрьх-коняс.

— Давай стирняй, эшелятама. Стирнясь корхтай:

— Тага щамнянень еявсайть.

Кармасть эшеляма. Лиссь щаканясь инголи, щазень стирнять щамонзон. Корхтай стирнясь:

— Мезенди щайть щамнянень? Стирнясь тага ювадсь тядянцты:

— Мамакай, щаканясь щазень щамнянень! Ласьксь мамац, корхтай щаканяти:

— Мезенди щайть стирнязень щамнянзон? Щаканясь корхтай:

— Мон нарошна.

Максозень меки щамнянзон. Тусь щаканять мархта стирнясь, мольсть щеняс-щавас. Стирнять озафтозь вяри ужес. Щаканять моркшть ваксе. Стирнять кучезь суронь ванома, а щаканять обе-дафтозь. Стирнясь ювади:

— Каргонят, мацинят, сада, сада! Каргонят, мацинят! Пулокшкятнень сивийнть, куваканят-нень кадыйнть!

Сась стирнясь куду, озафтозь обедама. Кучезь щаканять суронь ванома. Щаканясь ювади:

— Сада, сада, каргонят! Пулокшкятнень кадыйнть, куваканятнень сивийнть! Тердезь щака-нять куду, озафтозь моркшть ваксе, атясь кизефнесы стирнять:

— Мее тяфтане тон тердеть?

— Мон тейнть раднян, а титя аф радня.

— Кодама ина титя ломанць?

— Монь уторозон лиесь, еявомань эшеляма. Титя аф цебярь ломанць.

— Кодама ина?

— Монь мархтон сась. Аде, — торай, — щеняс-щавас сяфте.

— А тон, стирняй, кодамат?

— Монь мамазень-батязень ашель шачиец-касыец, ашель прянь лажиец. Кармась мамазе шяв-нянь лазондома — керозе пялькянянц, ашкодомань лоскоткас, путомань печурканяс, тиемань монь стирнякс. Кучемань мамазе-батязе щеняс-щавас. Лиссь уторозон титя ломанць — щака-нясь. «Аде мархтон щеняс-щавас!» Молеме, сась эрьконя. «Давай эшелятама!». Мон кармань мархтонза эшеляма. Сон лиссь инголи щазень щамнень. Мон ювадень:

— Мамакай! Щазень щамнень щаканясь!

Мамазе кулемань, макефтозень щамнень. Молеме мархтонза пяле вайгяльбе, сась эрьхконя. Дай, стирня, эшелятама!» — «Мон мархтот аф эшелян, — отвечань мон, — тон тага сявсайть монь щамнень». «Тон, стирня тят пеле, мон нул сей, нул — тов». Лиссь инголи щаканясь и тага щазень монь щамнень. Сань ни мархтонза щеняс-щавас. Мон аран тейнть раднякс. Титя ло-манць тейнть аф радня.

Щаканять сотозь алашань пулос, нолдазь алашать пакеяв арнема. Сонь, щаканять, срафтозе сускомняс.

Стирнясь тусь щеняста-щаваста маманц ширес. Мольсь, ки лангета музе щаканц пильгонц. Ся-возе стирнясь мархтонза. Уторозонза аваня:

— Мезе, стирняй, кандат?

— Мамазенди коцькарга!

— Тук тейне, стирняй!

— Мон, щакай, аф максса, мамазе кармай наругама.

— Макск, тон вачеть, мон обедафтте.

Авась сявозе, обедафтозе стирнять. А стирнясь максозе щаканять пильгонц. Тусь стирнясь ма-манц ширес, музе ки лангета щаканять кяденц. Лиссь инголенза цёраня:

— Мезе стирня, кандат?

— Батязенди грабля.

— Тук, стирня, тейне.

Стирнясь максозе, мольсь куду, ки лангета музе щаканц прянц. Уторозонза лиссь бабаня.

— Мезе, стирняй, кандат?

— Мамазенди сяканя.

— Тук тейне, стирняй! Мон тейть максан руцят.

Стирнясь максозе, тусь бабанять ширеста, музе щаканц сельмонц. Лиссь уторозонза стирня.

— Мезе кандат, ялганяй?

— Эстейне кандан кштрялкскя.

— Тук, ялганяй, тейне. Тусь куду. Мольсь маманцты.

— Месть, идякай, гожста эрят-ащат?

— Гожста, мамакай!

— Кода эряйхть-ащихть щенятне-щаватне?

— Гожста, мамакай! Сась батяц.

— Кода, девай, эрят-ащат?

— Гожста, батякай!

Тяни кармасть эряма-ащема стирняснон мархта атясь-бабась.

Записал финский этнограф Х. Паасонен в с. Мордовский Пимбур
Спасского уезда Тамбовской губернии в 1920-х гг.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz