Солдатсь и оцязорсь

Эрясь-ащесь оцязор, ульсь сонь солдатоц-охотникоц. Сон сяконь содась — аньцек охотас яксек-шнесь. Сон апак рьвяяфоль. Охотада меле корхтай оцязорсь тейнза:

— Дай, рьвяяк! Рьвяяфтте!

Солдатсь атказась, мярьгсь:

— Аф рьвяян!

Омбоце шиня сась охотас, кодак шоподсь сась куду. Сизесь. Ужин эряви эстейнза пидемс.

— Ох, мярьгсь, — дурак солдатсь,— оцязорсь ёрамань рьвяяфтомс, атказань! Тяни кода рьвя-ян? Салень — ужинць анок, а тяни эстейне эряви пидемс. Вастозе апак ацак, лишь ярхцалень, да мадолень.

Омбоце шиня тусь охотас тага. Мольсь вири:

— Эка, — мярьги, — тияне яксекшнень, тяса ашель мезевок. Тяни кодама чуда тиевсь? Пичеть эса копоня и якай шуфтть перьф. Эсь тяни ляцян — сивсамань, аф ляцян — визькс кармай. Ко-дама мон охотникан?

Сон афтозень кафцьке створканзон эзда курокнень и ляцсь. Кодак ляцсь — эстокиге прась ко-понясь и эздонза тиевсь мазы стирь. И корхтай:

— Аде, сявомак рьвакс.

Солдатсь отвечай:

— Мон аф сяфте, аф рьвяян!

— А, шять, — мярьгсь, — думандат?

— Мон, — мярьгсь, — оцязорти атказань. Кода мон сяфте?

— Даром, атказать, аре сявомак.

Мрдасть синь меки стирть мархта. Састь кудозонза, а солдатсь тусь оцязорти. Мольсь и корх-тай:

— Мон мунь стирь, рьвакс тейне моли.

— Мон, — оцязорсь мярьгсь, — торань: тонцень лангса тевсь.

И пряма венцяндазь. Эряйхть — ащихть, а оцязорсь сонць апак рьвяяфоль. Сондейнза мялезон-за тусь пяк авась. Корхтай авати:

— Солдатть аш мезецка полафтомс!

Оцязорсь корхтай думщиконзонды:

— Ков тиемс солдатть?

Кодавок тя тевсь аф думандави. Моли губерниять пачк фкя баяр, думандай. Васедсь уторозон-за бабаня. Бабанясь корхтай:

— Мее, батюшкай? — мярьги бабась.

— Вов мезенкса — тиемс солдатсь аш коза.

— Мезе батюшкай? Ули кядьстот, мон азса, ков тиемс, вовси аф сай. Вов ков кучесть: «Архт тов, аф содаса ков, тук тонань, аф содаса конань».

И баярсь мрдась оцязорти. Мольсь оцязорти боярсь и корхтай:

— Вов ков кучеаськ: архт тов, аф содаса ков, тук тонань — аф содаса конань. Тертьфтезе сол-датть и корхтай:

— Архт тов, аф содаса ков, тук тонань — аф содаса конань.
 
Тусь солдатсь куду, сонць аварди. Сась куду, авац корхтай:

— Мее авардят?

— Кода аф авардян? Оцязорсь мярьгсь: архт тов, аф содаса ков, тук тонань — аф содаса ко-нань.

— Озак ужендак, и матт удок.

Авась еявсь, кштирдсь ашкоряф сире, ашкодозе ашкоряфканц. Стясь удомда меле солдатсь, симдезе — андозе тумстонза, макесь мархтонза полотенцяня и ашкоряфкекять.

— Ков кевори ашкоряфкекясь — тон мельганза. Сайхть колма этажеа кутт. Кда молят синь шерезост, тонь лангозот врьгятихть сабляса, тон — кепотьк полотенцять.

Солдатсь тусь, мольсь ши, мольсь кафта, пачкодсь куттнень эжес. Кодак пачкодсь, врьгятсть лангозонза сабляса. Сон эстокиге кеподезе полотенцять. Колма этажста кудтть пряста юва-дихть:

— Вятесть сей!

Сонь кодак вятезь колма этажса куттнень пряс, сон озондсь, корхтай тоса авась:

— А мзярда кандозе Шкайсь овоньконь?

Сейчас озафтозе, кармась симдемонза-андомонза:

— Месть якат?

— Якан аф паронь седихть. Кучемань оцязорсь стане: «Архт тов, аф содаса ков, тук тонань — аф содаса конань».

— Матт, удок. Мадсь удома солдатсь. Титя авась лиссь балконть лангс, яфодезе колма пяли по-лотенцанц, пуромсть сембе — офтонек-врьгазнек, сембе зверьхне. Кизефнесыне:

— Аф содатада титя штукать, мезенкса солдатсь кучф: «Архт тов, аф содаса ков, тук тонань, аф содаса конань».

Сембе атказасть, аф содасы кивок. Нятнень панезень, яфодезе колма пяли, сембе тварьхне пу-ромсть: ватракшневок, куйхневок, — сембе, кивок аф содасы. Мярьгсь:

— Архт, сяда ичкозе аказе ули, сон аф содасы али?»

Симдезе-андозе солдатть, кучезе аканц пяли. Сон пачкодсь аканц пяли, вете этажса кудоц. Тага часовоенза врьгятсть лангозонза сабляса. Сон кеподезе полотенцать, ветеце этажть эзда юва-дихть:

— Вятесть сей!

Вятезь сонь тов и здоровандасть:

— Здорова, овоняй, кода Шкайсь кандонзе? — Сон кармась кизефнемонза, мезенкса сон сась.

— Якан, — мярьгсь, аф цебярьхнень колга. Оцязорсь кучемань: «Архт тов, аф содаса ков, тук тонань — аф содаса конань!»

— Матт, удок.

Сон лиссь балконть лангс, яфодезе колма пяли платьянянц, пуромсть сембе зверьхне.

— Аф содасасть ли ся тевть? Атказасть:

— Аф содасаськ!

Сятнень панезень, яфодезе платьянянц колма пяли, пуромсть сембе тварьхне. Кизефтезень синь:

— Содасасть или аф?

Сембе тварьхнень панезень, а фтала храмой лягушкась лядсь, изь кенере мельгаст и ювади:

— Мон содаса!

— Ну, сак сей! — бальзяц торай. Сась лягась.

— Ну, архт, вятьк дяк юмафтт ковонга.

Синь тусть лягать мархта. Молемань пингста, а синь мольсть недяля. Вятезе вирьс лягась. Вирть эса куд. Лягать мархта сувасть куду. Лягась корхтай:

— Мон коза-коза кяшан, тон эцек трубать фталу. Сай аля, месть кармай корхтама алясь, сянь торак мельганза, обедай-тии, туй.

Сась алясь, озась и корхтай:

— Якань, якань, тев изень тие, аньцек пильгонень шавонь. Сейчас сон и корхтай:

— Слуга, тук обедама.

Слугась макссь обед, сонць аф няеви пяль. Обедась-тись, стясь и корхтай:

— Кати ваймамс, кати тумс тага шлядондама? Аф вайман, туян тага шлядондама. Ся ломанць разбойник ульсь. Сон кода тусь, валгсь солдатсь и мярьги:

— Якань, якань, тев изень тие, аньцек пильгонень шавине. Тук, обедама.

Слугась и корхтай:

— Кеняк, — мярьгсь, — од азор!

Сон путнесь разнай ярхцамбяль инголенза, всякай винат. Слугати мярьгсь:

— Озак мархтон обедама.

— Спасиба, — мярьгсь, — од азор. Сире азорть мархта эрян колмогемонь киза, изь мярьге: «Сак обедама мархтон».

Сон обедась-тись.

— Кати ваймамс, кати тумс?

— Мон, — мярьгсь слугась, — од азор, эздот аф лядан.

Тусть солдатть мархта. И лягаське тусь мархтост. Солдатти кить виде ста аф лягать мархта ту-мос, аф бальцянц шири. Лягась мярьги:

— Аде, мархтон, аф нолдате, а то азорсь кяжияй.

Солдатсь сёрмадсь сёрманя.

— Ляга, архт кантк азорти.

Солдатсь тусь виде киге ськамонза. Мольсь, мольсь — пекоц вачсь, слугати аф смедондай пшкядемс. Слугась и корхтай:

— Мон, од азор, тясан! Давай обедак!

— Давай, срхкафтт обед.

Озасть обедама. Сейчас путневсть моркш и стулхт. Обедасть-тисть, тусть тага. Молихть кить эзга, васьфтсь уторозонза солдат.

— Земляк, аш ли кшиняце аф оцюня? Колмоце шись вачедан.

— Аш, — мярьгсь. — Пожалуй, — мярьгсь, — обедатама.

Слугась сркафтсь обед.

— Кеняк, од азор!

Сейчас появасть моркш и кафта стулхт. Путнесь всякай винат и всякай ярхцамбяль. Обедасть-тисть, и солдатсь, конань обедафтозе:

— Монь штуказе ули гож.

— Кодама штукаце?

— Штуказе сюра.

— Мезе эсонза тият?

Панжезе фкя пенц: виде, лиссь потмостонза пехота солдат. Панжезе омба пенц: разнай боярхт и верховнайхть. Корхтай солдатсь:

— Дай, полафттсаськ штукать.

Слугать азороц корхтай:

— Аф полафтан!

Слугась тошказевсь:

— Полафтт, мон аф катте!

— Ну, дай полафттама.

Синь полафтсть.

— Ну, слуга, архт мархтонза. Мон сявса сюроть.

Сяльде ётасть мзярошка, содатть пекоц вачсь. А сон визди кизефтомс. Слугась корхтай:

— Мон, — мярьги, — тясан, мархтотан. Давай обедатама!

Обедасть — тисть, тусть. Мольйть моря берякти, ётамс аш мезьса. И сайхть корабльса солдатт. Сон ювади тейст:

— Панесть кораблянтень сей!

— Вот, — мярьксть, — паньцаськ корабляньконь, изеськ няенде. Минь минць недяля вачедо-тама.

— Панесть, анттядязь!

— Вов, — мярьксть, — мошенниксь! Коста тняра народ андови ськамнянза.

Фкясь пшкядсь:

— Эрьда, — мярьгсь, — паньцаськ кораблять берякти. Кда аф андсамазь, шавсаськ васькаф-немда. Коста тняра народ тейнза андови.

— Лисендеда! — мярьгсь, — анттядязь.

Сон сейчас мярьгсь:

— Латцек моркш и седяфт озсемс, а баярхненди моркшкат и стулнят.

Сембонди моркшт путнесь и всякай ярхцамбяль и вина. Синь давай симомс-ярхцамс. Конешна, натощак пяк кармасть иредема, и фкя офицерсь лиссь эздост, сявозе солдатть бокс и корхтай:

— Однака, — мярьгсь, — гож штукаце. Дай, — мярьгсь, — полафттама.

— Кодама тонь, штукаце? — солдатсь корхтай.

Офицерсь таргазе зепстонза сурксонц, навазе пряста сурозонза и тиевсть колма молодецт:

— Мезе азорозе мярьги тиемда?

— Тиеда карап аф оцюня.

Синь тисть карап курокста. И торай офицерсь:

— Дай, полафттама. Слугась корхтай:

— Полафтт, аф катте!

— Ну, давай, полафттама!

Солдатсь сявозе сурксть, слугать и мярьгсь:

— Тон архт офицерть мархта ни.

Синь симихть-ярхцайхть, а солдатсь тусь бокс. Солдатсь таргазе сурксть карманцтонза, навазе сурозонза.

— Мезе, — мярьги, — тиема, азор?

Солдатсь мярьгсь:

— Тиеда венчкя ётамс.

Озась солдатсь венчкяти и тусь. Моли сон ведть ланга, слугац и корхтай:

— Мон, — мярьгсь, — мархтотан!

Ётась солдатсь омба бокс. Сон тусь ялга. Стане азомс — лядондсь оцязорти модеме кеветие вайгяльбе. Васьфтсь баложа. Баложати сон строендась город. Сонць тиевсь оцязоркс. Сон тоса царствовондай и кучеь сермат оцязорти: тердезе инжикс. Сась оцязорсь. Кодак ошть няезе, мрдась меки. Оцязорсь корхтай:

— Ульсь балота. А тяни тиевсь ош.

Сон омбоцеда тага кучи сёрма оцязорти:

— Кда аф сават, тонцень шавса пряцень, а ошцень плхтаса.

Аш мезе тейнза тиемс.

— Арай, — мярьгсь, — молема.

Сон сась, а од оцязорсь васьфтезе уторозонза. Сон примазе ширезонза инжикс. Кармасть гулян-дама. Солдатсь лиесь калдазу, таргазе сурксканц, пандозень пензон и лиесь несколька вий. Ко-шардозень:

— Арда, мярьгсь, — еявость ошть.

И тиевсь шум. Стане тешендасть-тийсть. Оцязорсь ужаснулся:

— Мезень тяса тиевсь чуда?

Лиесь од оцязорсь калдазу, пандозень сюра пензон и лоткась шумсь. Корхтай оцязорти:

— Ков тон кучеемайть? Тон кучемайть: «Архт тов, аф содаса ков, тук тонань, аф содаса ко-нань!»

Оцязорсь шуфтомсь, ваны солдатть лангс. Стане корхтасть-тисть, лядсть болотати кафонест. Тоса торай:

— Вов ков кучеемайть!

Сон сявозе коронанц оцязорсь, путозе содатть пряс и мярьгсь:

— Ульхть тон оцязоркс, а мон улян атянякс.

Рассказал финскому этнографу Х. Паасонену в с. Вадовские Селищи
Спасского уезда Тамбовской губернии в 1920-х гг. Ефим Иванович Кипчапеня, 1890 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz