Солдат
Сяда инголе
служакшнельхть пяк ламос — 25 киза. Фкя солдатсь служазе службанц и сай
меки куду. Весть занязе сонь фкя веленяв. Стукадсь крайняй кудняти,
лиссь хозяинць, сонць аф весёлай. «Аде, кле, сувак, удок». Солдатсь ваны:
сембе аф весялат и кизефнесыне:
— Мее тяфта сембе аф вееялатада?
— Кода, — корхтай, — весялат, кда велезонк тонадсь колдун и эрь веня
анай ломанень сивомс. Вага кемоньшка ломань ни сивсь, а тячи минь
кудстонк молема фкяти баняв.
Цёрась мярьги:
— Арда кузнецяв, тифтеда сяда эчке кшнинь илихть и уштость сяда пяконя
банять. Хозяиттне стане и тисть: фкясь тусь банянь уштома, омбоцесь —
кузнецти кшнинь илиень тифтема. Кан-дозь цёрати илихнень, ся еявозень и
тусь баняв. Баняса сяшкава псиль, што хоть панарцень ка-як. Цёрась озась
и учи, мзярда сай сивондись. Кемоньшка частса, цёрась марясы, кати-мезе
эрьхтсь поталакти и сувась пачканза. Сонць ювади: «Сифте!» — А тя
отвечай: «Норават», а сонць таргай илить эса. Кодак лаподьсы весть илить
мархта копорень турке, колдунць кафтува мяндевсь, аньцек понац вяри-алу
ляци. Тяфта шавсь сон эсонза пялевети самс. Пялевеста кол-дунць тусь
лиезь. Цёрась кадозень илихнень, и лаподсь баня полканять лангс, и удось
шобдава-ти самс. А ся кудса, коза солдатсь лоткась, веньберьф ашесть
уда. Шобдава хозяинць корхтай:
— Молема хоть пакарнянза солдатть кочкамат.
Мольсь, а солдатсь крфса уды. Сонь еявозь куду и шиньберьф гуляндафнезь.
А иляденди ласьксь соседсна:
— Цёра, архт моньге вастозон!
Цёрась согласиндась и мярьгсь тифтемс сяда эчке илихть и сяда уштомс
банять. Солдатсь мольсь баняв, путозень пянакуцняв илихнень эжема и
кармась учема. Ся илядтъ колдунць сась сяда рана, нинге ушестокиге
пешкоды: «Сифте!». Цёрась таргазе анокскиге якстерьготф илить и аньцек
валгсь тя, давай стябандамс илиса. Аньцек фкя ились малость кельми,
цёрась сяви лия. Колдунть кеденц пялевети самс тиезе тирьхконь-тирьхконь.
Сась пялевесь, и колдунць тусь лиезь. Цёрась тага мадсь и уды. Шобдава
ласьксть ваномонза и аньцек бокозост кядьснон лапиихть: цёрась тага жив.
Сонь тага сявозь, целай ши эсонза гуляндафнесть. Колмоце шиня тага
ласькихть инксонза:
— Цёра, моньге инксон архт тюрема, век парцень аф юкстасаськ.
Цёрась тусь тага, тифтсь сяда эчке кшнинь илихть и сяда уштфтозе банять,
мянь кирпицневок якстерьгодсть. Сон аньцек сась, колдунць ни лии, нинге
ичкоздикиге пешкоды аф эсь вайгяль-сонза:
— Сифте!
Цёрась корхтай:
— Сюлотне шуванят!
А сонць аноклазе ни якстерьготфт илить. Аньцек сувась колдунць поталакть
пачк, синь ушедсть тюрема. Цёрась пялевети самс сязендезе колдунть
кеденц и каяфтозе. Тяни колдунть вастс арась стама мазы стирь — пачканза
няят. Озасть синь серьцеконя и корхнихть. А народсь тага ласьки цёрать
пакарензон кочкама, синь ваныхть: кафонест ащихть, аф содасазь — сувамс
или аф. Тяда меле цёрать мархта стирть гуляндафнезь целай недяля. Сембе
народсь кочкась ярмак, рамасть алаша и прважазь кафцьконь куду. Цёрать
мархта стирсь ардыхть кафонест, рахсихть, ваныхть — киснон лангса шуди
ведня, а веднять трваса озаф атяня. Аньцек пач-кодсть атянять ваксе, ся
атясь и корхтай:
— Дай-ка, церай, вандса, кодама аваце ломанць?
Сон еявозе стирть фкя пильгонц кядезонза, омбоцеть шятязе пильгонц алу и
сязезе пачк. Ваны цёрась: аванц потмоста лисихть куйхть-ватракшт.
Сембонь нятнень атясь панезень, петьфтазе стирть марс и мярьги:
— Ва, тяни тя стирсь тонь аваце ули!
Цёрась озафтозе аванц ваксозонза и тусть ардозь куду.
Рассказал в
1967 г. житель с.Мордовская Поляна А.В.Лёвин, 1898 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память
поколений".
Мокшанский фольклор
Зубово-Полянского района
На первую страницу |