Содама ёфксть эряви содамс

Тюрсть кафта плямат. Фкя вождть цёрац повсь пленц омбоце плямань вождть кядьс. Сонь кирнезь шобда лотка потмоса, аннезь коське кшиняда, симнезь кельме ведняда. Но сон кодавок ашезь юмафтов. Вождсь тердезень содай ломанензон и мархтост арьсесь, коза сон юмафтомс. Сяда меле вождсь тердезе цёрать и корхтай:

— Кда аф ёнюват, аф ёжуват — юмат. Кда ёжуват, ёнюват — кармат эряма. Архта ичкози, ич-кози, и афи ичкози и афи малати, сельмоса аф няеви вастс, пилеса аф кулеви кис. Коза эряви модемс?

Цёрась корхтай:

— Тейне козонга аф эряви модеме. Сельмоса аф няеви вастс, пилеса аф кулеви кись — тя тона шись. Тоза мон аф ёран. Мон ёран эрямс тя шить потмоса, тястонь эряфть кучкаса, ваномс ма-зы шитнень лангс, кулендемс нармонень моротнень.

— Виде, — мярьгеь вождсь. — Ёжуват и ёнюват. Мзярс пряцень идить. А тяни мольхть ичкози, ичкози, кундак тяфтама, тяфтама мазы пона алаша, конань кивок ашезе няенде, ашезе кулен-де. Весть варжамста сонь мастец рыжай, омбоцеста — няевомс сивайне. Кодама кис тейть эря-ви модеме и кодама масть мархта алаша тейть эряви кундамс? Аф азсак — юмат.

Пленц повф цёрась отвечась:

— Марнек светса тяфтама алаша аш. Тяфтама алаша фкя пингста кивок ашезь няенде, кивок изь куленде. А башка явозь тяфтама алашат улихть. И синь кундамс тейне козонга молемс аф эряви. Рыжай алашась — тя эряфонь тиись — пси Шинясь, сон обед кучканя арды тюжя ала-шанц лангса панттнень фтала ащи моряти. А сивай алашась — тя эряфонь ваймамась — кель-ме ковнясь. Сон венькучкать арды сивай алашаса модать вельхкеса, ванфнесы ломаттнень удомаснон.

— Виде и тя, — мярьгеь вождсь. — Тянь эсовок няфтить прянь корцень. Тяни — архт тоза, аф содаса коза, но кундак тяфтама алаша, кона шобдава зарять шачемста якай ниле пильге лангса, обедста — кафта пильге лангса, а шинь валгома пингста — колма пильге лангса. Мезе тя стамсь? Аф содасак, аф кульдясак, аф вятьсак — пряце атёкш прянь лаца кевори.

— Да, тяфтама зверь светть лангса, афкус, ули. Но сон аф зверь, афи алаша, а ломань. Шачи ломанць, варьхмодемстонза аф машты якама, сон аньцек кафта пильге и кафта кядь вельде ниле пильгеа — пиненякс шашни. Обед ёткти, мзярда шинясь касы и сембода виияй, арай таза ломанькс, мезьдовок аф пели, мезе ёрай — сянь и тии. Мзярда сиреди — арай атянякс, баба-някс, сельмонза, пильгонза, кяденза — марнек лафчемихть, кармайхть еярядема, ойкснема, ту-ва лаца куфцема, еяви кядезонза байдек, нежедема васта вельденза колма пильгеа кармай яка-ма — и тяфта аделави сонь сембе эряфонь шаромац. Сянкса и корхтайхть: ломанць эряй лама ваймоса, ламонь эряфса. Идькс пингстонза сон лисьфкя, тишеня, лисьф сёроня, пиненя лефке-кя, кутюня. А цють кеподи, тейнза мярьгихть «вяри касыкс»: тума, келу ладса и стак тов. Сяс сон и лемневи: цёратне и алятне — врьгаст, атя офтт, стирнятне и аватне — сараст, учат, ава офтт, алашат.

— Тясовок виде, — мярьгсь вождсь, — тясовок пряцень няфтить. А мезе якай пилькфтома и кядьфтома, но сембонь сон тисы.

— Кядьфтома, пилькфтома якай и ковсь, и вармась, и бурясь. Но лиси ковсь — валдоми ведьсь, кеподи вармась, уфай, шертьфтьсыне шуфттнень, тишетнень, видеф сёротнень и синь тянь эзда сядонга касыхть, сядонга виензайхть.

— И тя виде, — мярьгсь вождсь. — А меле поладозе, — а мезе светса сембода мазысь?

— Сембода мазысь, — отвечась цёрась, — валда светса, тя, батясь, мамась, рьвясь, идсь, унок мархта фкя семьяса эрямась. А юрфтома касысь — тя кевсь, сон уленди и модаса, и миннеса и тона шиса. Мархтонза кирневи мирсь-масторсь.

— А мезе и толса аф палы, и ведьса аф ваяй?

— Тя и тядянь, и батянь пара валсь и ломанень лемсь. Кирьдсайть синь валдста седи потмосот, прясот, аф юкстасайть — аф толса аф палат, аф ведьс аф ваят. А меле цёрась поладозе:

— Кда тон лоткать, сада инксон недялять любой шистонза, понедельникта башка, сярядаста, шуваланяста, пяденцяста, ёткшиста, недляшиста».

Вождсь и вакссонза ащи сире алятне мезевок ашесть аза, вдь и отвечамска тейнза ашезь сода кода: тяфтама ши аш.

Пленц повф цёрась савсь каземс казнеса и ильхтемс эсь пляманцты.

Рассказал в 1967 г. житель д. Поповка Д.Л.Шуляев,1910 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz