Сире пине

Эрясть-ащесть атя и баба. Синь шачисна-касысна ашель. Вов сон несколька кизода меле шачфтсь цёра. Кенярдемасна синь пяк оцюволь. Кеподсь шабась и сявозь сонь ума лангс кочко-ма. Тядять комафтф пряц, кочки сура, а идсь эздонза аф ичкозе. Ётайхть сире пине и врьгаз. Цё-ранять салазь, авась стряндась, што цёраняц аш. Тиемс аш мезе, оцю пичефкссь, а куду тумс эряви.

Мольсь и корхтай: «Монь юмась цёранязе — идяказе». Сире пинесь корхтай: «Мезе эздот прибыль ули, кда кандсаськ цёрацень?» — «Рьвяяфтомстонза мезе тяда тие, мезе тяда ана, мезевок аф азан, аф корхтан», — мярьгсь авась.

Вов кандозь цёранять, сон пяк кенярдсь, ке-подсь по часам. Мамац срхкась сонь рьвяяфто-монза. Тись пяк вишке свадьба. Пуроптозе народонц. Сембе гуляндайхть-симихть, ярхцайхть, винатне путнефт моркшть лангс, пачада несколька стопа ащи инжихнень ингольге. Сась илядсь, народть ламоц иредсь.

Вов сувси сире пинесь, фатнесыне пачатнень, винать и ласькозь тусь. «Кие тяфта?» — юва-дихть инжихне. «Кундасть, шавость тя пинеть». Цёранять мамац азозе, што тя сире пинесь фа-тязень, сонь шавомс нельзя. Скорей путсь цёранять мамац пачат, вина, закуска. «Ярхцада, сем-бонди сатыхть пачатне, винась», — мярьгсь мамац. Тяни пинесь, врьгазсь иредсть. Сувасть свадьбань кудти и кода ювадихть морама. Инжихне сембе пяк эводсть и тусть кудгаст, а моркшть ваксе илядсь сире пинесь и врьгазсь.

Рассказала в 1969 г. жительница с. Новые Выселки О.М.Фокина,1902 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz