Шут Максим
Эрясть-ащесть колма
братт колмонест. Кафта браттне нинге ничавофт, а колмоцесь ульсь пяк
шутник, сяс и тейнза мярьгольхть Шут Максим. Сон всё время брадонзон
аваснон лангса шу-тендась. Мезе арьсесть кафта браттне? «Аде, кле,
эвфтьсаськ сонь, и иляттама минць кафо-ненк». Синь стане и тисть. Шут
Максим кармась эряма аванц мархта отдельна. Весть сон тусь вири,
крьвястсь костёр, пяшкодсь шонгарям чугунняс и кармась пидема.
Шонгарямсь ушедсь лакама, а ся пингть ся вастова ётасть брадонза. Шут
Максим ваны — брадонза сайхть вак-созонза, таргазе чуганнянц, сявсь
кафта ёмла байдеконят и кармась чугунняти кайсема, а сонць корхтай:
— Кипи салня,
Кипи палня.
Кипи салня,
Кипи палня.
Брадонза мольсть Шут Максимонь ваксе и кизефнесазь:
— Шут Максим, месендят?
Тя отвечай:
— Шонгарям пидян.
Нят ванондсть, ванондсть и корхтайхть:
— Дай, мик тейнек цюгунняцень.
— Рамасть, — корхтай, — мон лама аф анан. Аньцек сяда цалковай.
Браттне таргасть сяда цалковай, еявозь цюгуннять и тусть, пачкодсть
куду, маразь цюгуннять шонгарямда и кармасть байдеконяса калтыема, но
шонгарямсь изь ушеткшне лакама, браттне еявсть сяда оцю байдеконят, но
тяндивок ашезь устава лакама. Синь синдсть пяльхть и кодак каяйхть,
цюгуннясь пачк лопадсь. Браттне корхтайхть:
— Аде, сюцесаськ Шут Максимонь, месть сон лангсонк налхкеи.
А Шут Максим ся времать пенгас тушендсь и кодак няезень — брадонза
сайхть, арафтозе нур-донянц алу пантт, сонць озась пенгятнень пряс и
арды брадонзон каршес, ворьде, кле, тапатядязь.
Брадонза тага мярьгихть:
— Шут Максим, мик тейнек эсьлек арды нурдоняцень.
— Дайте, — корхтай, — 100 цалковай, миса. Да тинь, кда аф туй ардома,
сяда ламоня марада. Браттне кенярдсть, сявозь нурдонятнень и тусть,
марасть нурдоняти пенгат, озасть пенгатнень лангс, нурдонясь ашезь ту
ардома. Синь сяда лама пенгя марасть, тага изь ту. Марасть, марсть
пенгат, нурдонясь яжавсь.
— Ну, — корхтайхть, — подлецсь тага васькафтомазь, аде брат, шавсаськ.
Састь и Шут Максимонди корхтайхть:
— Минь тонь шафтядязь!
— Тямасть шава, айда лучи пачада анттядязь. А тяда инголе сон сотнесь
аванц кавлалу чивге кяскавня и корхтай:
— Тон каннек пачат ноласта, а мзярда пяльса кяскавнять, ушетт якама сяда
проворнайста.
Браттне озасть шрать ваксе, Шут Максимонь авац пачат канни, сонць якай
ноласта, ноласта. Шут Максим кодак пяльсы кяскавнять, верхне бл-л-л
тусть шудема, а авац кармась ласькозь ласькондема. Браттне
ярхцаеть-тисть и тусть куду. Аваснон кядьста затярявсть пачат. Шобда-ва
авасна кармасть пачань пидема, а якайхть синь ноласта, фкясь корхцафтозе
аванц — ку-лось, омбоцесь корхцафтозе — кулось.
— Ну, аде, — кле, — тяни шавсаськ Шут Максимонь.
А Шут Максим мадсь бохаряму, крьвястсь ваксозонза костер и путсь
костёрти чагалав. Брадонза сувасть кудозонза и кизефнесазь аванц:
— Коса Шут Максим?
Авац корхтай:
— Да сон бохаряму кулома мадсь.
Аде, кле, какатама калмонц лангс. Мольсть. Оцю брадсь корхтай:
— Ожу, мон первай какан.
Аньцек озась, а Шут Максим кодак пси чагалавть мархта максы пси, сон
кодак комоти.
— Ой, какомазе ётась!
Тяни озась омбоцесь. Сявок стане комотсь.
Таргазь Шут Максимонь бохарямста. Аде, кле, ваяфттядязь, тяни эздонок аф
мянят. Шут Мак-сим согласиндась. Вятезь сонь оцю ляй трвас, озафтозь
боцькас. А Шут Максим и корхтай:
— Тинь кядьса монь тямасть шавде, а то грехонень еявсасть, тинь арда
кандода цянкт. Браттне тусть цянгонкса, а ся пингть ётась Шут Максимонь
вакска баяр кучеронц мархта. Баярсь корх-тай:
— Архт, ванк, кие тоса ранги боцькять потмоса.
Мольсь кучерсь и кизефнесы:
— Эй, кие тяса ранги?
— Да, монь вага ёрасамазь райти нолдамс, да монь аш мялезе.
Мольсь кучерсь, азондозе баярти. Баярсь мольсь и кизефнесы Шут Максимонь:
— А мондейне нельзя райти?
— Можна, кда ярмаконя аф ламня максат!
Баярсь макесь ярмак, озась боцькяти, а Шут Максим лиесь боцькаста.
Топадезе баярть куче-ронц мархта ведтти. Сонць озась алашати и айду.
Шут Максим кодамовок работаса аф кирдеви. Весть сонь путозь карувонь
шавондома. Шут Максим якай, да карунят шавонды. Весть бярхне кочкасть
собрания, а Шут Максим тоса ащи, ваны: фкя баярть пряц нараф, тиклакс
тиф и конязонза ся баярть валгеь кару. Шут Максим мольсь, курмоштазе
клоконц, да кодак хлопадьсы баярть коня ланга. Баярсь эстокиге боком
прась. Лия баярхне кизефнесазь Шут Максимонь:
— Тон мезенкса сонь?
А Шут Максим отвечай:
— Да мон аф сонь, а каруть!
Сембе прасть рахазь.
Рассказал в
1967 г. житель с.Мордовская Поляна З.Д.Егоров, 1894
г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память
поколений".
Мокшанский фольклор
Зубово-Полянского района
На первую страницу |