Пётр I и солдатсь

Весть тусь Пётр I охотас и эрьгодсь. Якась, якась вирть эзга, и каршезонза лиссь солдат. Сол-датсь тожа эрьгодсь. Ащесть-тисть, думандасть, кода лисемс, мезевок ашесть арьсе и тусть: инголи солдатсь, а тоса Пётр I. Солдатсь куцсь самай сери пичеть пряс и ичкозде няйсь толня. Весь ульсь пяк шобда. Но синь кой-кода лиссть полянкав и няихть дворец. Дворецсь перяф шуфтонь стенаса. Сувась дворецти, тоса баба и мазы стирня.

— Бабай, пади, обедафтсамасть.

— Аш мезьда, — отвечась бабась.

Эста солдатсь панжезе пянакудть и таргась тоста кафта пидеф мацихть. Ярхцасть и тусть куд-ботмару. Петрась якась-якась и сизесь. Кода шавф эстокиге матодовсь. Солдатсь арьси: «Тевсь аф пяк пара. Кда васьфтемазь минь аф инжикс, то нинге мезе-мезе ули». Сявозе Пётр I шаш-канц и кяшсь куцемать вярде пезонза, кенкшть фталу. Солдатсь аф уды.

Кафтошка частта меле дворецти ардсь тройка. Валгсть тоста атя и кафта разбойник-цёранза. Сувасть куду, озасть ужиндама.

— А коса омбоце мациеньке? — кизефтезе атясь бабанц.

Да стане, стане, састь тяза кафта алят. Фкя мацить сивозь и тусть кудботмару мадома.

— А ну-ка, ёмла цёрай, архт керыть сялдазснон, — торазевсь атямкс атясь цёранцты. Разбой-ник-цёрась куцсь кудботмару, а тоса шобда, мезевок аф няят. Разбойниксь лихтезе прянц и ва-ны, коза матф солдатсь Петрать мархта. А солдатсь раз — и керозе разбойникть прянц, аньцек any прась прясь и ронгоц.

Разбойник атясь учи, цёрац кати-мес аш: «Наверна, подлецсь познакомондась мархтост».

— А ну-ка тон, оцю цёразе, архт тонць керыть пряснон, — пшкядсь атясь.

Старшай цёра-разбойниксь куцсь, аньцек венептезе прянц, солдатсь раз — и керозе прянц.

Атясь учсь-учсь — цёранза ашет. «Молян монцьке керсайне пряснон». Сон куцсь кудботмару, венептезе прянц, а солдатсь яфодсь и керозе атять прянц.

Шобдава стясь, штазь шамаснон, и Петра корхтай:

— Ох, и лац тячи удонь.

— Да, удоть, а мон ожка мезе няфтян. Солдатсь мольсь Петрати, няфтезень шавфнень.

— Кда аф мон, то кафцьке тнярс вечна удолеме.

— Благодарю, — мярьгсь Пётр I солдатти.

Сувасть куду, а стирть кядьса пистолет. Солдатсь тавадозе Петрать и яфодезе кяденц.

Стирсь ляцсь, и солдатть пиле прянц пулясь сязезе. Солдатсь сявозе шашкать и керозень стирть мархта бабать.

Вальмя лангса ащихть панжемат. Синь сявозь панжематнень, панжезь фкя утомть — тоса снят. Солдатсь валхтозе вазенц, пяшкодезе сонь сияда, и тусь омбоце утомти. Панжезь кенкшть, сувасть, а тоса пяшксе амбарсь золотада. Солдатсь золотатнень эса эцесь и повозон-за, и карманозонза. Тоса валозь кудть и амбархнень газса и крьвястезь, а синць озасть тройкати и тусть тя проклятай вастть эзда куроконе.

Ардсть Петрань дворецонц инголи, сувафтозе Пётр I солдатть оцязоронь комнатати, андозе, ма-тозе ваймама. Тоса стяфтозе Петрась солдатть и путозе полковникокс.

Аф лама пингта меле солдатсь рьвяясь. Шачсь сонь идняц. Аф кунара синь тиендсть кстингат фкя идняснонды.

Монга якань тоза пиравама. Симондень.

Рассказал в 1967 г. житель с. Модовская Поляна А.В.Лёвин, 1898 г.р.

Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу

Hosted by uCoz