Пётр I и колма солдатт

Весть Пётр I кучсь эсь генералонцты записка, конань эса ульсь сёрматф, што генералсь должен кочкамс сембе армиять эзда колма самай боевой солдаттнень и кучемс Пётрть шири.

Генералсь стане и тись. Вешезень самай боевой солдаттнень и кучезень Пётрти. Сувамс Пётрти эряволь тифтенянь-тифтенянь. Васенце солдатсь сувась, кругом ковёрхт ацафт, а ковёрть лан-гса — ужеть эса, золотой моркшкя, а ся моркшть лангса золотой ведарка пяшксе винада, вак-ссонза путф золочёнай ковшик.

— Здравствуйте! — пшкядсь Пётр солдатти.

— Здравствуйте, Ваше императорское Величество, — мярьгсь солдатсь. Тинь приказаниянтень коряс сась тяфтама-тяфтама солдат.

— Вов амолдак, сявк ковшенть и симк сембе ковш винать. Солдатсь амолдась пяшксе ковш ви-на и сембонь симозе.

— На, закусендак, колбасада.

Солдатсь сивозе колбасать, поблагодарил.

— Ну, кода винась? Разобрал или аш? Тон вернай солдат?

— Так точно, Ваше императорское Величество.

— Эста ступай меки, удок.

Сувась омбоце солдатсь, симозе ковш винать, закусил, нардазень усанзон и учи.

— Ну, кода, солдат, царскяй винась тонь разобрал?

— Так точно, Ваше императорское Величество.

— Тогда архт меки, матт, удок. Сувась колмоце солдатсь.

— Здравствуйте, Ваше императорское Величество! Тинь приказаниянтень коряс тонь солдатце эвондась.

— Здравствуй, солдат. Вона сявк ковшть, амолдак пяшксе винада и симк, а колбасада закуси.

Солдатсь симозе винать, закусил, нардазень усанзон и учи.

— Ну, кода, солдат, винась тонь разобрал?

— Да, Ваше императорское Величество, царскяй водкась хотя разобрал, сон крепкай, но не заб-рал.

— Сявода омбоце ковшть симость.

Солдатсь симозе, закусил, нардазень усанзон и учи.

— Ну, кода, солдат, тяни винась тонь, надиян, разобрал?

— Да, так точно, Ваше импереторское Величество, водкась разобрал, но не забрал.

— Сявода колмоце ковшть.

Солдатсь симозе колмоце ковш винать, закусил и учи.

— Ну, кода тяни? Надиян, монь виназе тонь разобрал?

— Так точно, Ваше императорское Величество, винась монь и разобрал и забрал.

— Так, ладно, тогда ётада вов тя фкя доскать ланга ужети.

— Да пo-по...по ваше...мму приво...пресходистну имм.... Ператорскому тойнть приказаниядес-тень коряс тонь солдатце аф только фкя доскать ланга может ётамс, а сембонь.

И солдатсь ужети тусь качандазь — урязь сембе доскатнень ланга и прась ужети. Пётр I похва-лил сонь и нолдазе куду отпуск.

Рассказал в 1960 г. житель с. Старое Бадиково А.Г.Сурдин,1886 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу