Ононь содамат
Фкя авась аф эсь пингстонза шачфтсь идь. Пяк
пичедезевсь и корхтай:
— Кда ули тона ши — юман-аран.
Азондсазь: ваяф, поваф, винас кулоф ломаттнень,
аф эсь пингстонза каяф-праф шабанятнень тона шисна пяк аф цебярь. Синь
пяк обжафт. Кулоф оцю ломаттнень тиендьсазь тона шиса алашакс,
покавнятне ластя арнихть лангсост, муцясазь. Тона шиста аф эсь пингста
лисьф ша-бать инкса эряви кирдемс ответ. Тядяти кирдема ответ и сяс, мес
шабанясь кулось лемфтема: сон арай нармонькс, мзярдовок аф ваймяй, фалу
лиенди, пешкоды, цинняй, фалу вешенди оза-ма васта. Корхнихть: Очижинь
шобда веста тяфтама шабанятне лиендихть менельге и синь можнат содамс
вайгяльснон коряс, кона тундать самстонза менельге лиемста арси фкакс
кар-гонь вайгяльть мархта.
Ся авась, кона аф эсь пингстонза каязе шабать,
пичедсь аф аньцек эсь инксонза, но и шабанц тона шинц инкса. Вов тя
авась няи он. Бта сон моли киге. Моли, моли, и пачкодсь оцю кудс.
Су-вась. Кудга цють няевиста палы тол. Авась сувась кувака коридору,
конань кафта бокованза мадонтф лама ломань. Ломаттне удыхть. А ёмла
коридорнять эса ащи удомань ванфты —де-журнай. Вакссонза ащи цёра шабаня,
сон озаф мокорь лангс, люкай и вярьге вайгяльса ша-памста пешкоды. Авати
тя шабанясь арась ужялькс и дежурнайсь кизефнесы:
— Можна тя шабанять сявомс и сетьмофтомс?
Дежурнайсь авати корхтай:
— Тейть сон сявомс нельзя. Нельзя шабать
стяфтомска: сон нюрьси и пешкоды сяс, мес аш ле-моц, аш батяц, аш мамац.
Эста авась кизефтезе:
— А кит тя уды ломаттне?
Дежурнайсь корхтай:
— Тят кулофне, эсь прянень юмафтыхне, а цёра
шабанясь синь ванысна.
Авась сргозсь и арьси: «Иденц ваймонц эряви
идемс кодамовок жертваса, «озондан пель-ксса»».
Арьсезе и тиезе. Шабанянц ваймонц идеманкса
кармась шкайти верондама, озондома, церькаву якама, эрь молеманя тоза
ярмак кандома. Рассказал в 1969 г. жительница с. Новые Выселки П.М.Учамбрина, 1906 г.р. Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений". |