Од ава

Эрясь-ащесть атят-бабат кафонест. Синь ульсь стирнясна и цёранясна, и ваци пула буканясна. Эрять-ащесть мзяра киза, и вов атять бабац кулось. Цёранять мархта стирнясь илядсть тядяф-тома. Вов фкя шиня синь корхтайхть аляснонды:

— Аляй, сяфть од ава.

Алясь корхтай:

— Сявомать — сяван, да од авась сисем сельхть модава.

А синь сяконь содайхть: «Аляй, сяфть од ава». Ну и алясь сявсь од ава. Од авать ульсть колма стиренза. Фкя стиренц ульсь фкя сельмоц, омбоцеть — кафта, колмоцеть — колма.

Стирнять мархта цёрать кармасть теснандамост, од аваське и стирензовок. Корхтай аляти: «Ти-ить козонга шабатнень». Алясь путозень синь карду писькону буканять ваксе. Писькону пуло-нясь фкя сюростонза андсыне, омбоцеста — симдьсыне. Мзярс эрясть стане, а од авась коль учи куломаснон, а сонць думандай:

— Мес шта тнярс аф кулыхть, кие шта синь аннесыне? Может, дурак атясь?

Вот фкя илядня од авась кучезе калдазу фкя стиренц, конань ульсь фкя сельмоц. Фкя сель-мось мольсь и кармась ванондома. А стираясь и корхтай:

— Акай, дай, пряцень вешеа, акай, дай, пряцень вешеа.

Фкя сельмосось максозе прянц вешемс, а сонць ваны. Стирнясь кармась прянць вешема, а сонць морай:

— Баю, баю, фкя сельме.

Стирть фкя сельмоц коневсь и матодовсь, а ся пингста буканясь андозень шабатнень, омбо-цеста — симдезень. Сась фкя сельмось куду и кизефнесы од авась:

— Ну, мезевок няеть?

Фкя сельмось корхтай:

— Аш, синь ашесть ярхца, ашесть симе.

Тяни сась омбоце стиренц очередец. Од авась наказай:

— Ватт лацкас мельгаст! Тят мадова!

Кафта сельмоса стирсь сась кардоняв, озась и ванонды, а стирнясь и корхтай:

— Акай, дай, пряцень вешеа, дай пряцень вешеа.

Максозе стирсь прянц вешемс, а стирнясь кармась морама:

— Баю, баю, фкя сельме, баю, баю, кафта сельме!

Стирсь конезень сельмонзон и матодовсь. Буканясь андозень, симдезень синь. Сась кафта сель-мось куду, а од авась кизефнесы:

— Ну, мезевок няеть?

— Аш, ашень няе! Ванонь мельгаст сембе пингть.

Колмоце шиня од авась кучезе колма сельмоса стиренц. Сонць тага наказай, штоба ваноль стирнять да цёранять мельге. Сувась колма сельмосось, озась стирнять ваксе и ваны, мезе ся тии. Стирнясь и цёранясь ащесть-ащесть, вачеть пекссна, стирнясь и корхтай колма сельмосо-ти:

— Баю, баю, фкя сельме, баю, баю, кафта сельме, колмоценясь уды.

Колма сельмоть кафта сельмонза коневсть, а колмоцесь ваны. Стирнясь изь шарьхкоде мярь-гомс: «Баю, баю, колма сельме». Буканясь фкя сюростонза андозень шабатнень, омбоцеста — симдезень, а колма сельмось сембонь няезень. Сась куду а азонды:

— Тяни содаса, мес стирнять мархта цёранясь аф кулыхть, синь аннезень, да симнезень пськи-ну пула буканясь.

Од авась пристандась атяти:

— Атя, печк пськину пула буканять.

А атяти ужяль печкомс, сон содасы, што сон шабанзон симнесыне-аннесыне. Авась аф явонды эздонза: «Печк, и всё!»

Ну, атясь согласиндась. А буканясь корхтай шабатненди:

— Тячи монь ёрасамазь печкомс, озада лангозон, и минь ворьготтяма.

Озасть буканять лангс и тусть ардозь, а атясь коль шовай пееленц эса. Шовась-тись, сяльде ни азондозе од аватфгшто буканясь кардса аш. Од авась ласьксь кардоняв, ваны: аш буканясь, ашет шабатне. Шарьхкодсь, што сят ворьгодсть. А буканясь ардсь ни ичкози. Авась кучезе фкя сельмоть буканять сатома, сон вот-вот ни сатсыне, вот-вот фатяй буканять пулос, а буканясь кодак пськизи, тянь сельмоц кяшевсь и ашезе няе, коза синь ардозь тусть. Сась куду, азондозе тидянцты, мезе лиесь, од авась куроконя кучезе кафта сельмосоть. Сон вот-вот сатсыне, бука-нясь кодак пськизи и пськизизень кафта сельмонзон, а ся шовор тусь ласькозь ичкози. Од авась кучезе колма сельмоть. Сон вот-вот ни сатсыне, а буканясь пськизсь и пськизизень кафта сель-монзон, а колмоцесь изь пськизев сон и сембонь няезень. А буканясь ардсь пандть алу, куцсь пандть пряс и кармасть тоса эряма.

Фкя шиня сась шабатнень пяли кшнинь бука и корхтай:

— Мярьгода пськину пула буканяти, штоба сон ванды модель мархтон тюрема.

Шабатне эводсть и кармасть авардема. Сась буканясь куду, шабатне азондозь, што сашендсь кшнинь бука. Пськину пулось и корхтай:

— Тяда пеле, мои ся буканять шавса.

Тусь буканясь кшниннеть мархта тюрема и шавозе. Омбоце шиня сась шуфтонь бука и корхтай:

— Ванды молеза пськину пула буканясь монь мархтон тюрема.

Шабатне тага эводсть. Сась буканясь, азондозь, мезе мярьгеь шуфтонь буканясь. Буканясь тусь тюрема и шавозе шуфтонь буканять. Колмоце шиня сась ёмла буканя, сонць сязентьфке — нозотфкя и корхтай:

— Кучесть пськину пулонтень мархтон тюрема.

Шабатне кенярдсть, што тяфтама ёмла буканясь ёрай тюремс синь буканяснон мархта и ушедсть рахсема. Сась буканясь, а синь рахайхть-рахайхть.

— Мес тинь рахатада? — кизефнесыне синь, а синь азондозь, што сашендсь ёмла буканя и ёрай мархтонза тюремс.

— Эх, тинь, — корхтай, — тя ёмла буканясь монь шавсамань.

Шабатне, кодак кулезь, што симдиснон-андыснон шавсы ёмла буканясь и давай рангомс.

— Вага мезе, — мярьги буканясь, — мзярда монь шавсамань, тинь кочкасть монь пакарнянень и мадода кедезень потмос, и тусь буканясь ёмла буканять мархта тюрема.

Кода и корхтась буканясь шабатненди, стане и лиесь. Ёмла буканясь пськину пулонять шавозе. Стирнять мархта цёранясь аварькшнесть-аварькшнесть, а тиемс аш мезе. Синь кочказь бука-нять пакарнянзон и мадсть кеденц потмос, станяк авардезь и матодовсть. Шобдава стясть синь, ваныхть-удыхть цебярь кудса, цебярь васта лангса. Аньцек арьсесть ярхцамать колга, а шра лангсь ни пяшксе ярхцамада. Вага синь тяса кармасть дружнайста эряма. Тяфта буканясь иде-зень синь аф поваднай авать эзда.

Рассказала в 1972 г. жительница д.Поповка П.И.Шуляева, 1912 г.р.

Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу

Hosted by uCoz