Обедня

Эрясь-ащесь фкя велеса удава бабаня. Сон эрясь аф козяста: ульсь аньцек фкя вазняняц. Сяка жа велеса эрясть поп, дьякон и дьячок аваснон, цёраенон мархта. Синь ульсть жаднайхть, яксекшнельхть шобда вастова салама. Тя, кода корхнесть, обеднянь служамда башка синь зара-боткасноль. Весть попсь кундазе бабанять вазнянц и печкозе. Дьяконць няезе тянь и пяк об-жавсь, мес попсь ашезь макса теенза талека, но киндиньге изь азонда.

Бабась мольсь обедняти, кармась тоса озондома и авардема вазнянц инкса. Дьяконь няезе баба-нять и корхтай теенза:

— Тят аварде, бабай, вазнеце аф стак юмась, сонь попсь печкозе. А попсь кулезе дьяконтть и кармась морафтома:

— Дьякон, дьякон, во весь рот не крякай. Будет тебе ножка. Подай, Господи!

Тянь сембонь кулезе дьячоксь. Сонга обжавсь, што лядсь таликафтома и мярьги:

— Тят аварде, бабай, тонь вазняце аф стак юмась, сонь салазе попсь и дьяконць.

Дьяконць кулезе и морафтозь корхтай дьячокти:

— Тебе будут потро-о-ха!

— Бабай, — мярьги дьячоксь, — кивок тонь вазняцень ашезе токсе. Сонць юмась, стане, знать, эряви Шкайти.

Сяконь мархта бабанясь и тусь авардезь церькавста.

Пономарьсь кулезе, мезе корхтасть попсь, дьяконць и дьячоксь и мярьги тейст обедняда меле:

— А мес монь доляфтома кадомасть?

— Тон салама ашеть яка. Вов Роштувань карша мольхтяда цёразень мархта учань салама, эста сяват талека, — мярьгсь попсь.

Сочельниконь илядня попть цёрац пономарть мархта тусть алашаса фкя ашу ломанень шири учань салама. Лиссть ушу, а алашасна аш, кати кие салазе.

Церькавса тя пингть мольсь ни заутреня. Попть цёрац и пономарьсь сувасть видеста тоза и ётасть народть инголи. Попть цёрац нолдазе прянц и ащи. Попсь няезе, што ся аф весяла, кепо-дезень кядензон и кармась морафтома:

— Сыне, мой сыне, не привёз ли ты бэ-бэ-э?

А цёрась отвечась теенза морафтозь:

— Отче, мой отче, не привёз я бэ-бэ и потерял иго-го твоего-о...

Рассказал в 1960 г. житель Старого Бадикова А.Г.Сурдин, 1886 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу