Наследник

Эрясть-ащесть кафта братт. Фкять ульсь пяк лама шабанза, а омбоцеть фкявок ашель. Ша-бафтома братсь ульсь пяк козя, а тя братти аш мезьда ульсь андомс шабанзон. Козя братсь кар-мась сиредема ни. Весть сон корхтай аванцты:

— Аде-ка, баба, весть брадозень пяли, да, может, сон тейнек максы приёмыш.

Бабась согласиндась, и синь тусть. Пачкодсть брадонц пяли, брадсь аф содасы, мезьса синь уго-щандамат. Бабанцты мярьги:

— Эряволь ба поллитраня сявомс. Козя брадсь корхтай:

— Мезевок аф эряви, вона монь крандазсон ули.

Козя брадсь усксь беднай брадть сембе шабанзонды одёжат, наряжазь — тиезь, озсесть шрать перьфке и ушедсть пиравама. Гуляндакшнесть синь целай недяля, тяда меле беднай брадсь кармась срхкама куду. Озасть синь шрать ваксе и козя брадсь корхтай:

— Брат, макск тейне фкя цёраняцень приёмышекс. Беднай брадсь корхтай:

— Сявк любовайть, — всё лишнай курга еяват.

Козясь ашезе кургонц панжемс, сембе комотнесть и пешкодыхть:

— Оцяй, мон молян, оцяй, монга молян!

Инь инголи комотсь оцю цёранясь. Козя брадсь и корхсай:

— Мон тянь ва еявса!

Сявозь цёранять и тусть. Козя брадсь кармась цёранять грамотас тонафнемонза и тонафтозе сонь гармонияса морама.

Кассь цёранясь оцюста, арась красивай цёракс и оцяц корхтай:

— Тяни аде, цёрай, няфтьса белай светть.

Лама мастор синь ётасть, лама ведь синь уйсть. Весть синь уйсть пяк оцю ведьге пароходса. Цёрась уемань шовор морсесь гармонияса, сембе кшнисть-морсесть. Пачкодсь пароходсь ведть кучкас и лоткасть: Ведьавась анась ломань. Кармасть жерьбань каяма. Кие мярьги цёрать инк-са жерьбань каяма, кие мярьги — аф. Все-таки, решили каямс. Каясть жерьба и повсь цёрась. Ёразь ёрдамс ведти, но тяса мярьгеть озафтомс цёрать лодкас. Каяфтозь цёрать лангета одё-жанзон, максозь кядезонза гармониять и тусь цёрась уема. Уйсь, уйсь цёрась — ши, кафта, си-сем, и волнатне лодкать таргазь берякс. Лиссь цёрась берякти, пекоц вачсь и кармась берякова якама. Ваны — вирь потму туй янне.

— Молян, — корхтай, тя яннява, шять, киньге муян.

Мольсь, мольсь, мусь оцю куд, кудть перьфке пяшкее утомда. Цёрась сувась куду, кивок аш. Ваны — фкя комнатаса пянакуд. Панжезе пянакудть, тоса ащи кемгафтува цюгуння ям, кемг-фтува лям цюгуння. Панжезе буфетснон — ащи кемгафтува четверть вина. Цёрась каясь эрь четвертть эзда аф ламнянь, пяшкодезе стаканонц — симозе, еяльде каясь сон лям цюгуннят-нень эзда аф ламнянь. Сяльде — ям цюгуннятнень эзда. Тяфта сон ярхцась, еявозень гармони-янзон и эцесь инь фталдонь кроватть алу. Аф ламос ащемда меле састь 12 разбойникт. Панжезь пянакудть — сембе варжафт. Винатнень эзда каяфт. Кармасть разбойникне споряма: шавомс, кие ули тяса или кадомс. Вот фкясь и корхтай:

— Ванода, кодама сон умнай алясь. Сон аф фкять обижась, а сембонь эзда аф ламнянь кайсесь. Минь ашеме обжава, а сон ярхцась. Тя ёню цёра.

Тяфтама мяльс и састь: кадомс цёрать живста и путомс сонь оцюнякс. «Листь, цёра, тон улят минь оцюняньке», мярьгихть разбойникне. Цёрась лиссь кроватть алда. Сонь наряжазь, озаф-тозь шрать ваксе и давай угощандамс. Цёрась таргазень гармониянзон и давай морсемс. Разбой-никне кштисть-тисть и мадсть. Шобдава стясть и корхтайхть цёрати:

— На, вага тейть сембе панжематнень. Сембе утопнень панчеить, тя утомть тят панчее. А минь тутама охотас.

Цёрась якась-тись, урядазень сембонь, пидесь разбойникненди пища и учи эсост. Састь разбой-никне, ярхцаеть-тисть и кизефнихть:

— Ну, панчеить, цёра, ся утомть? Цёрась корхтай:

— Аш!

Тяда меле разбойникне тусть охотас колма недяляс. Цёрась якась-тисть и решил панжемс ся утомть. Панжезе, ваны, тоса мазыдонга-мазы стирь. Цёрась кизефнесы, костонне, мес сон тяса. Стирсь азондозе, што сон оцязоронь стирь, што сонь салазь разбойникне и пякстазь тоза. Цёрась гразязе стирть, штоба афоль азонда стирсь, што цёрась сувсесь. Сон якась берякть крайге, ва-ны: берякть крайса ащи калатф пароход. Сон валомня ушедсь ся пароходть петема. Разбойник-нень самс сон тага пидесь ужин и кармась синь учемост. Састь разбойникне и кизефнесазь стирть:

— Тейть кивок изь сувсе? Стирсь отвечай:

— Кие тяза сувай, деряй, крсатне сивсамазь.

Разбойникне тяда меле тусть колма месяце. Цёрась нолдазе стирть и кармасть кафонест паро-ходть петема. Шинек-венек работайхть стирть мархта. Разбойникне шида меле сайхть, паро-ходське анок. Сявсть синь сатомшка ярхцамбяль, одёжат и тусть уезь. Уйсть синь ши, кафта, колмоце шиня ваныхть — каршезост сай пароход. Ся пароходста ломаттне лоткафтозь цёрать пароходонц и ваныхть стирть лангс. Фкясь мярьги:

— Тя сон!

Таргазь карточканц, ваныхть. «Сон, — корхтайхть, — сон, да мрхтонза аля». Синь ёразь ёрдамс цёрать ведти, но стирсь мярьги:

— Кда сонь ёрдасасть ведти, но монга шаван пря.

Цёрать тага озафтозь крхтапа лодкати и нолдазь. Но стирсь салава максозе цёрати именной сурксонц.

Цёрась уйсь пяк ламос, пекоцка вачсь, симомацка сась, а ведсь салу, эрьгац совсем маштсь. Наконец, лодкац педсь берякти. Цёрась тусь вирьге, ваны: тоса атя коське пенгат кочкеи. Сон кармась атяти молема, а атясь, кодак няезе крхтапа ломанть, да ласькозь тусть. Цёрась корх-тай:

— Атяй, тят эводе, мон тонь аф токате. Мондейне коста-коста ба щам лоскоткат. Атясь корх-тай:

— Архт, аф ичкозе тяса ули веленя, тоса улихть муськопт, тон и щак тоста.

Цёрась стане и тись. Веленяса тейнза азозь, што тячи базаронь ши, а базарсь тяста аф ичкозе. Цёрась тусь базару. Якай гармония рядга, и фкя алять пяк еялдозь гармониянзон. Цёрась корх-тай:

— Можнат варжамс гармониятнень?

— А мес, — кле, — нельзя, варжайть.

Цёрась кодак таргасыне гармониянзон: сембе базарсь ушедсь кштима. Ся ошеа эрясь оцязор, сонь ульсь стирец. Ся самай марязе цёрать мораманц. Сон тертьфтезе цёрать, наряжафтозе и кармась морафнемонза. Сон кирнезе цёрать мархтонза кома недялят. Стирсь ни ёрай лисемс тейнза рьвакс. Цёрась эста азондозе сембонь, мезе лиесь мархтонза. Стирсь корхтай:

— Да ся стирсь вдь монь крёстнай алязень стирец. Сон самай тячи лиси рьвакс. Но мон тейть лездан.

Стирсь тись фанерань леф, озафтозе потмозонза цёрать гармониянц мархта, ёрдась крьня, и тусь лефсь крьнять мельге.

Лефсь стане вишкета ардсь, што кемоньшка чаетти шобдавати пачкодсь оцязорть вальманц алу. Лоткась лефсь, а цёрась видеста таргазень гармониянзон. Стирсь эстокиге марязе цёрать. Народсь ласьксь, а лефсь киндиге аф панжеви. Аньцек ласьксь стирсь, цёрась лиесь гармониян-зон мархта. Стирсь вятезе цёрать алянцты и корхтай:

— Вага, кие монь мумань, вага кие монь женихозе. И стирсь азондозе алянцты сембе тевть. Оцязорсь керозе прянц васькафни женихть и максозе стирть рьвакс цёрати. Тяда меле синь тисть свадьба и тянемс гуляндакшнихть. И монга тоса улень.

Рассказал в 1967 г. житель с. Мордовская Поляна А.В.Лёвин, 1898 г.р.

Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу

Hosted by uCoz