Марко богатый

Тя тевсь ульсь давно-давно. Эста нинге железнай дорогатка ашельхть, ашельхть и автомаши-нат, а яксекшнесть аньцек алашаса.

Весть фкя купецсь, сонь лемоцоль Марко, тройкаса мольсь Москуву ярманкав. Сонь сатозе весь. Тусь ловня. Удома лоткась фкя алянь шири. Кучерсь прьгафтозень алашатнень и сонга сувась куду. Марко богатыесь мадсь горницяв (чистай вастс), а кучерти няфтсь кухня ужес удо-ма. Матозь толхнень. Сембе кудсь удось, аньцек Марконь кучероц изь уда. Кульсы, кудса ке-подсь кати-кодама крик, васенда аф пяк вишкета, тоса сяда виензась. Алять рьвяняц шачфтсь идь. Путозь нюрямняти, кармазь басяма, иднясь матодовсь, лоткась пешкодомда и тага сембе эряйхне удость. Аньцек кати-мес Марконь кучеронцты удомась изь сашенда.

И вов пялевешкада кудонь стенась кеподсь и кудпотмоти лийкстасть кафта гуленят. Лийк-стасть кудти, кафта пяли варжакстсть шобдаса, кати-мезе эсь ётковаст пшкядсть и озасть ню-рямнять лангс.

— Тяни кодама судьба идняти максомс? — кизефтезе фкясь омбоцеть.

— Кати-кодама, — отвечась омбоцесь васенцети. — Давай макстама тейнза Марко богатыйть судьбанц.

— Давай, — согласиндась омбоцесь.

Ащесть-тисть нинге аф ламоняс, калякондасть кати-мезень колга, мезень колга? Вов тянь ку-черсь изь маре, и тага стенась келемсь кафта пяли и гуленятне лийкстасть меки.

Шудава стясь кучерсь ранакиге, симдезень алашатнень, путсь тишет — кормат, тоса кильде-зень.

Завтракта меле прощандась гостеприимнай хозяинть мархта и тусь дальше. Ардыхть и ардыхть. Кучерсь мезевок хозяинонцты аф корхтай. Тоса вдруг: «Хозяин, а хозяин. Тон удомста тя веть мезевок ашеть куль?»

— Аш, кучер, мезевок.

— Вов мезе: пялевешкада явожсть стенатне и лийкстасть гуленят кудть потмос, а фкя частта инголе алять рьвац шачфтсь идня, иднять матозь нюрямняс и мадсть синць. Вов гуленятне озасть нюрямнять крайс, корхтазевсть и азондозе семботь, мезе кульсь, што максозь Марко бо-гатыйть счастьянц.

Кяжиясь Маркось, што сонь, купецть, Марко богатыйть счастьяц сатови беднай ломаненди (иденди), мчкрфтозень пейнзон и кармась сюдома.

— Эх, — только корхтай сон, а сонць шяярензон эса сязенди. — Мезе тиемс, штоба монь счасть-язе афоль сатов беднай иденди. — А, ну-ка, шарфтыть меки алашатнень и мрдась меки ся куд-ти, коса удость.

— Мезе, барин? Юкстать штоль мезевок? — кизефтезе сонь кудазорсь.

— Да, ярмаконе юмасть... Эх, а тинь никак цёранянесть ули, а мон синь кода кельгсайнь, а мон-цень аяш. Аф мисак ли мондейне, а мон тейть ярмакта лама максан. Варжакстсь алясь кафта шири, лядсь мялезонза беднай шиц... и ярмакнень сявозень, согласиндась.

Сявозе Марко иднять, тулуп потмозонза ашкодозе, кучерсь керозень плёткаса лишмотнень и алашатне тусть аф ардозь, а кода лиезь, стама вишкста.

Срхкась буран. Пачкодсть вирь потмос, няйсть поляна и кучерсь кирдезень алашатнень. Марко сявозе иднять пильгта и яфодезе сугробть потмос. Тусть дальше, ардыхть, ардыхть.

Фкя учитель стясь шобдава, сявозе ружьянц копозонза и тусь вири охотас. Якась-шяясь, каф-тошка нумолня ни шавсь, но моли нинге. Вдруг сон няйсь поляна. Полянать краенза пяшксет ловонь фальда, а полянкать кучкаса ащи губорне, губорнять лангса касыхть всякай панчфт и панчфнень кучкаса ащи идня, налхкси панчфнень эса. А кругом ащи цят мороз. Тя иднясь са-май ульсь сяц, конань ёрдазе Маркось.

«Монь фкявок аш иднязе, сявса мархтон», — думандазевсь учительсь. Каязе меховой жиле-тонц, ашкордазе иднять тоза и тусь куду.

... Цёрась касы и касы учительть ширеса. Сонь ни топодсь 18 кизоц.

Ётась аф лама — аф кржа времада. Марко богатыйсь тага арды алашаса Москуву. Модеме тейнза ульсь самай ся ваетть эзга, коса эрясь учительсь и муф иднясь. Ардсть, ардсть, алашатне сизесть, мусть кудня (тя ульсь учительть) и сувасть удома. Сувасть, ярхцаеть, кармасть мадома и ваны Марко, што тяса пяк мази цёра кудти сувась. Сельмонза, кода черёмкат, кудрянза мян-цезь — мянцефт, шамац палы зарякс, «Вот так штука!», думандась Марко. — Мзяра киза эрян акша светть лангса, няендень всякай чудесат, всякай красавецт, тяфтама красавец сельмоне нинге ашесть няенде. Монь стирезенди женихсь, вов коса, улема. (Сонь стирец тожа ульсь мази, и шачсь фкя времаня муф иднять мархта). «Аля, а аля, мзяроце кизось тонь аваце изь шачфне, мзярда тя красавецть шачфтозе?»

— Мзярда? — Тянь, господин, аф авале шачфтозе, норавак, азондан тейть чуда.

— Кодама стане?

А вов кодама: тя ульсь кемгафксува кизода инголе. Ульсь тяла и цят вишке мороз. Якань — шяянь вирнять потмова, и вдруг няень поляна. Полянкань краенза пяшкеет ловонь фальда, а полянать кучкаса ащи губор, а губорть пряса касыхть всякай панчфт, кодапт белай светти ка-сыхть. И панчфнень кучкаса идня, налхкси панчфнень эса. Мон молень малазонза, ашкодыне понань жилетказень потмос, и кандыне куду. А сейчас тейнза 18 киза ни, вов кодама красавец, жених, курок рьвяяфтомс эряви.

— Эх, атят, — пшкядсь Марко богатыйсь. Сон шарькодезе, што тя иднясь самай ся, конань сон ёрязе сугробть потмос, штоба юмафтомс. — Мезе тиемс, штоба беднай идти дяль сата монь, ку-пецть, счастьязе? — думандазевсь сон.

Путозень кядензон прянц лангс, кундазень эсь шяярензон и сязенди-нозонды, аньцек мчкорф-несыне пейнзон.

— Вов мезе, учитель, кучк тонь цёрацень монь ширезон, эстейнь аш кали, молян торгавама. Монь и стирезе ули. Вов максан мархтонза пакет, конань эса ули сёрматф, што тейнза муйхть стама работа, кодама сон захочет, — корхтай учительти купецсь Марко.

Учительсь согласиндась.

Марко богатыйсь сёрмадсь пакетти, цёрась (путсаськ лемонц тожа Марко) тусь. Мольсь, мольсь, мольсь киге, сонць морай, инголенза лиесь аф оцю атяня.

— Цёрай, цёраняй, ичкози ли молят? — Да кода азомс тейть, добрай ломань, монь Марко бога-тый кучемань пакет мархта эсь ширезонза.

— Цёрай, а дай варжасаськ што за пакет, — пшкядсь атясь.

Атясь сявозе пакетть и кармась морафтома. Тоса сёрматф, што кона кандсы пакетть, тонанц прянц керомс. Атясь тя пакетть апак стрендак каязе карманозонза, а сянц вастс макссь лия па-кет. Цёрась мольсь купецть шири, и максозе купецть аванцты пакетть, коса, бта, Марко бога-тыйсь сёрмады, што ся ломантть, конац кандсы пакетть, эряви рьвяяфтомс стиренц лангс. Ну, синь тяса тисть свадьба стама, конац мольсь недяляда лама. Кизода меле сась куду и купецсь.

— Тнярс, наверна, и пакаренза мокшень цёрать наксадсть. Сувась и кудстонза няйсы мокшень цёрать.

— Ава, мес тон монь приказозень ашеть тий, штоба юмафтомс цёрать?

— Кодама приказ? Мон лия пакет получань. И авась няфтезе омбоце пакетонц.

— Да, атять беднай выродокоц изь юмафтов, норавак, мон сонь лиякс юмафтса. Мольсь кузне-цязонза, сявсь рабочаензонды ведра вина, симозь винать, иредсть кузнецне и Марко корхтай:

— Моньдедон меле тяза сай ломань, кодак панчсы кенкшть кузнецяв, а тинь сонь кундасть и горнати, или вона ся лакай ведь мархта котёлти.

— Тисаськ, — ювадсть ирецта кузнецне.

Мольсь кузнецсь куду и кучезе цёрать кузнецяв алашаса, штоба юмафтомс. Цёрась тусь, и кар-мась ётама церькавть вакска и кули морай вайгяльхть, молитват морафтыхть. Цёрась пяк кельгозень морайхнень и сувась кулхцондома церькаву сонцьке кармась морафтома.

Ётась колма частт, купецсь думандай: «Тяшкас беднай цёрать и пакарензовок палсть», — ащесь аф ламняс и тусь кузнецяв.

— Молян варжасайнь хоть пакарнянзон.

Кузнецне иредсть, юватькшнихть, сельмосна кармасть китнема, мзярда сувай ломань и синь сонь ёрдасазь горнати. И вдруг кенкшсь панжевсь и сувась Марко богатыйсь кузнецяти беднай цёрать пакарензон варжама. А кузнецне ирецтот, фатязь купецть, да толти, аньцек качамня тусь. Часткада меле сувась беднай цёрась.

— О, минь господиннеськ сась! Ура! Ура! — кундазь цёрать, яфиезь — яфиезь и нолдазь. Цё-рась сявсь тейст нинге ведра вина, мольсь куду, тись пир и кармась гуляндама. Эряй мокшень цёрась купецть вастс, правиндай беднай цёрась лучиста. Ломаттне сонь пяк кельгсазь и сон кельгсыне ломаттнень. Тяфта мокшень цёрась арась купецть вастс азорондама. Тят шува бед-най ломаттненди яма, тонць ваят. Кода мярьгсь шкайсь, штоба козять вастс араль беднай цё-рась, судьбать эзда аф мянят и сон вов арась. Месяцта инголе якань Зубово Полянав, станцияв и сон кати — ков моли ся цёрась, мархтонза мон даже корхтань.

Рассказал в 1960 г. житель с. Старое Бадиково А.Г.Сурдин,1886 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz