Купецонь стирь

Эрясь-ащесь фкя купец. Сонь ульсь фкя рьвац и стирец. Эрясь сон пяк козяста. Аф ичкозе, Ва-да ляйть берякса, эрясть разбойникт. Ня разбойникне грабсезь маластонь эряйхнень. Вов кулезь синь, што купецть ули мазы стирец. Фкя разбойниксь наряжась питни панарса и тусь купецть шири. Сувась ширезонза, ётась моркшть ваксе. Разбойниксь ёрась купецть стиренц лангс рьвя-ямс. Сон корхтай:

— Макск тейне стирцень рьвакс.

Купецсь согласиндась. Разбойниксь азондозе стирти, кода молемс синь эряма вастозост. Васенда сай пиже вирь, тоса сенем вирь, а тоса — якстерь. Мзярда ётасайть тя вирьхнень, сай оцю пак-ся, тя паксять кучкаса строяф оцю куц. Кудсь перяф оцю частоколса.

Ётась мзяра пинге и стирсь тусь цёрать мельге вири. Мольсь, мольсь, сонь сазе пиже вирь, тоса — сенем, а меле — якстерь. Ваны: инголенза поляна, полянать кучкаса оцю куд, перяф часто-колса. Мольсь стирсь кудть малас и ваны: кудсь перяф ломанень пакарьса. Сувась перяфкеть потмос, кудсь строяф ломанень пакарьста. Кудть ваксса ульсь утом, конац пяшкеель всякай питни добрада. Стирсь сувась кудти, кудть потмоса всякай бархатт. Стирсь панжезе пянакудть, а тоса ульсть кафта ломанень прят. Стирсь пяк эводсь и кяшсь диванть алу. Састь куду разбой-никне, мархтост тусть стирь. Фкя разбойниксь сувафтсь мокорь и керозе стирть прянц, а теланц керсезе и стойкас салыяфтозе. Таргазь пянакудста ломанень прятнень и сивозь. Кармасть эсь ётковаст корхтама, што должен самс купецонь стирсь. Синь вешендезь сембе ваеттнень, но изезь му. Сась илядьсь, разбойникне мадсть киякс лангс и учихть стирть лисеманц эса. Кда кие эсь эздонок лиси ушу, то эряви мярьгомс: «Раз-два, раз-два, раз-два».

Разбойникне мадсть и матодовсть. Стирсь лиесь диванть алда и ювандсь: «Раз-два, раз-два, раз-два». Стирсь лиесь ушу, мольсь утомти, и тусь ласькозь куду. Мзярда ергозсть разбойникне и кизефнихть фкя-фкянь эса, кие веть лисендсь ушу. Сембе разбойникне мярьгеть, што кивок ашезь лисенде. Разбойникне шарьхкодсть, што стирсь мянць, и тусть ласькозь мельганза. Но стирсь ульсь уже кудса, сон изь сатов. Разбойникне мольсть купецть шири. Стирсь лиесь каршезост, сон ульсь наряжаф питни паршиса. Синь шарьхкодсть, што стирсь ульсь ширесост и еявозень синь паршиснон. Тиемс ульсь аш мезе, ванцть, ванцть стирть лангс и тусть меки куду.

Рассказал в 1967 г. житель с.Мордовская Поляна И.Т.Красиков,1893 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz