Купецсь кяжиясь цёранц лангс

Ульсь фкя купец. Ульсь сонь цёрац. Цёрась получась частичнай образования, но высшай обра-зования получамс ашель мялец. Кода изь тяряфне купецсь — цёрац сяда тов тонафнема изь ту. Тянкса сонь батяц кяжиясь лангозонза и азозе цёранцты: «Мон тонь мите». Цёрась ворьгодсь кудста. Якай ошть эзга, рестораттнень ланга.

Вот весть случайна нежедсь фкя аля и корхтай: «Кинь охотац ули тонафнемс, фкя ве тонафтан предмет — саты куломозонза. Тянкса 100 цалковай». Сон согласиндась. Мольсь магазину, вась-кафтозе алянц, приказчиконц кядьста сявсь 100 цалковай и тусь алять мархта. Фкя ве только занимался алясь мархтонза и тонафтозе морамаса морама. Стане морай — кивок стане изь ку-ленде. Ломанць солазь солай.

И сон кармась рестораттнень ланга якама, кармасть бале тернемонза. Андсазь-симдьсазь и яр-макт максыхть. И сон лоткась совсем куду няфнема пря.

Батясь, конешна, нинге сяда кяжиясь лангозонза. Тяни эвондась сяка жа алясь и кизефнесы:

— Кода тевце?

— Тевсь, мярьги, — пяк гож, ярхцан-симан баяркс, ярмакозе и всё.

— А мяльце тага фкя предмет тонафнемс? — кизефтезе алясь.

— Мялезе.

И вов тага тонафтозе картаса налхкома. Кивок сонь не обыгрывает, кодама игрок тяза уле. Сонь уже несколька ярмакоц и якай, аньцек гуляндай.

И вот тага сай сяка алясь. И корхтай тейнза. Кда, мярьги, ули мяльце тонафтан тага фкя пред-метти. «Тогда, — корхтай сатыхть куломозт». Сон согласиндась мархтонза. Тонафтозе сонь сёр-мадома любой кядть тяштема (подписывать) и печатень тиема.

И вот батясь проке кяжиясь лангозонза. Нолдась розыск ошть эзга. Еле-еле музь сонь и вятезь куду. Ся ошть эса ульсь ярманка целай месяц. Купецсь лихтезе эсь цёранц ярмакта миме, сембе ошсь сонь содасы, сяс мес улендсь рестораттнеь эса. Кивок сонь аф рамасы. Ащесь атясь марх-тонза целай ши и кивок даже аф торгавасы. А омба масторста тов яксекшесть торгавама. Тоса ульсть кафта иностранецт — купецт. Синь ульсть синцень пароходсна.

Фкя купецть ульсь мархтонза приказчикоц. А омбоцесь — ськамонза. И тяни илядти тусь ки лангс продуктань рамама. Мольсть рынкати — купецсь тозк ащи цёранц мархта. И вов ки-зефнесазь:

— Мес мишендсак?

— Аф кулхцонды.

— Может, — мярьги, — вороль, мезе?

— Вортть, — мярьги, — аф вор и аф хулиган. А аньцек монь аф кулхцондсамань и сянкса ми-шендьса. Кизефтезе, мезе анай. Азсь тейнза питне.

— А мес питниста анат?

— Но сон жа, — мярьги купецсь, — грамотнай, машты тевонь тиема.

Фкя купецсь кармась торгаваманза. Коданга аф ладяйхть питнеть колга. Цёрать ашель мялец тумс иностранияв. Шарфтсь баярть эзда и салаване мярьгеь:

— Тон, — мярьги, эстедот ёню тят рамсе. А то каендама кармат.

— Тон, — мярьги иностраннай купецсь, — батяцень аф кулхцондсак и ломаттнендивок аф то-нафтават. Батяцти ашеть тонафтов, а мон тонафтте! — Рамазе цёрать назло. Мольсь паро-ходть тейс — вятезь тоза цёратьке. Купецсь сёлкфтозе шава каютас и приказчикти мярьгсь:

— Шизонза весть макет кши и ведь, и лия мезевок тят!

Нолдазь пароходснон и тусть уема. Приказчикоц и купецсь картаса кармасть налхкома. Синь налхкеть веньберьф. Омбоце шиня стане жа налхкеть веньберьф. Колма шит налхкеть подряд.

И вот приказчиксь проиграл сембе ярмаконзон, мзяра ульсь и сембе хозяинть ярмаконзон. При-казчиксь цёрать колга юкстась и ашезе анда-симде колма шит и вет. Меле кали стряндась, што сембонь налхкозень и тейнза сай пей (гибель), лядсь мялезонза цёрась.

— Молян хоть, — мярьги, — андса. Мольсь, панжезе каютать и корхтай:

— Муворуван, — мои юкстайхтень тонь. — Тячи погибать эстейне, дай ярхцатама марса.

Андозе цёрать.

— Ну, — мярьги, — тейне сави ёршамс пря моряти.

Цёрась кизефтезе мезенкса — Мои, — мярьги, — налхкине мезе мархтон ульсь ярмак и хозя-инть товаронзон.

А цёрась корхтай:

— А сон мархтон тяль карма налхкома картаса?

— Сон, — мярьгсь приказчиксь, — любойть мархта налхки. — Только сонь не обыграешь. Аде, кизефтсаськ. Мольсть купецть малас. Купецсь ушедсь налхкома оцю мяль мархта.

Цёрась васенда нолдазе, вроди, часть проиграл. Мекпяли кармась выигрывать. Весть валхтозе банкать, омбоцеда, купецсь кяжиясь — давай больше путома. Синь налхксть суткашка — или сяда ламос. Купецть выиграл сембе ярмаконзон. Выиграл купецть товаронц. Купецсь лядсь кя-дензон-пильгонзон мархта. Тяни синь приказчикть мархта арасть ялгакс. Кармасть симондема марса. Уйсть синцень масторозост-портозост.

Приказчиксь корхтай:

— Кода мон цебярь васта тейть тиелень?

— А тейне цебярь васта аф эряви, — отвечась цёрась и сонць кизефтезе: пакет купецсь мархтост изь макса ли?

— Макссь, — отвечась приказчиксь.

— Тон, — мярьги, — дай мон аньцек варжаса пакетть и лия мезевок аф эряви.

И кизефтезе, кодама купецть семьяц. Приказчиксь мярьгсь, што только бабац и стирец.

— А мазы или аф? — кизефтезе цёрась.

— Пяк мазы, тонафнеф и ёню. Пяк гож.

Цёрась озась ськамонза каютас, морафтозе пакетть. Тоса сёрмадсь купецсь: «Мон рамань цёра. Сёлгость подвале и максседа шити весть кши да ведь, и еявок аф проке топодемс. Кирдесть мянь самозон, а мон ковда меле молян.» А цёрась сёрмадсь лия пакет и стама почеркса, кода и купецть. Аф шарьхкодьсак, кие сёрмадозе, купецсь или цёрась: «Мон рамань цёра. Пачкодихть куду — товархнень ускиенть магазиттнень ланга. Кда стирть мяльс туй рамаф цёрась, макск тейнза рьвакс и тиеда свадьба, а кда молян куду, свадьба тихтяда лиякс.»

Но бабась кенярдсь, лама товарда усксть, даже магазину исть тяльге.

Илять стирть мархта морафтсазь пакетть. Бабась корхтай стирти:

— Ватт, мезе батяце сёрмады. Стирсь ваны цёрать лангс — цёрась мазы. Весёлай, шустрай. Но и корхтай маманцты стирсь: «Кда тинь согласиндатада, то мон туян рьвакс тейнза». Но и ма-мась мярьги: «Давай, кда мяльце, кочкатама инжихть.»

Кочкасть инжихть — ладязь стирть. И вот тисть свадьба. А цёрась мольсь и рамась морамат, кодамот мяленза, и кали, инжихне пуромсть и кивок аф кирди, конац коса ащи, — кармасть кштима. Стане свадьбать эса морафтозь инжихнень, мзярдовок ашель стама. Тяни стирть пяк мялезонза женихсь и илять кочказень ялганзон — стирьхнень и лиссть балконцнон лангс, а цё-рась мораматнеыь эса морай, а нят танцевандайхть и морайхть. Синь кудснон уторцес оцязо-ронь дворецть мархта. Оцязорсь лиси илять и озай балкононц лангс, кулхцонды, кода морай мо-рамаса, завлекси сон и коданга аф сувави куду, пока аф лоткай морамда.

И тяни оцязорсь кочкась именинанзон, тись бал. Ну, тов мольсь и морама мархта, кармасть тан-цевандама, веселиться. И оцязорсь корхтай:

— Вов мзяра ни киза эрян, тите кудть эзда изень куленде мораень вайгяль, а тяни лисян бал-конти — утордонь кудонь балконть лангса стане морай мора морамаса, што тяфтама мора ашень куленде.

А фкя баяр ульсь ётксост свадьбаса и корхтай:

— Тите морайть купецсь рамазе омба масторста и максозе стиренц тейнза рьвакс. И ся цёрась стане морай морамаса, пряма, вастозот аф шуфтомат.

— Тердесть тяза, — мярьгсь царьсь, и кучезе фкя баярть морай цёрать инкса. Мольсь и корхтай цёрати:

— Аде, сявить мораматнень. Оцязорсь имениназонза тердензе тонь.

Нят тапарясть, што тернесыне сонць царьсь, и аф содасазь месендема. Цёрась макссь согласия, кда царьсь тердьсы рьванц. Царьсь васьфтезень синь, кода эряви. Ну, и потом цёрати предло-жили, штоба сон мораль. Кодак сон моразевсь, сембе дивандазевсть и аф содасазь, мезе тиема. Тоса сон морсесь, сембонь весялгофтозень. Оцязорть пяк тусь мялезонза цёрась. Сон азсь тейн-за лама пара валда.

И тяни, кодак царьсь аделасыне тевонзон, кучи цёрать инкса. Тяфта сон тернефтезе аф кржаксть, симнезе — аннезе, марс гуляндакшнесть оцязорть мархта.

Весть цёрать кизефтезе оцязорсь:

— Тон грамотнаят?

— Грамотнаян, — отвечась цёрась.

— Кодама чин мяльце, стама максан.

— Дай путомак сембе тюрьматнень лангс начальникокс, — мярьгсь цёрась.

— Пожалуйста, — мярьгсь царьсь.

Сёрмадсь тейнза документ, царьсь путозе кяденц и путозе царскяй печатть.

Цёрась мольсь сась куду и киндиге тянь колга мезевок ашезь аза. Топодсь ков. Курок сай хозя-инць, — кучсь телеграмма. Цёрась тюрьмати и макссь приказ, што кодак сай купец, кучемс по-лицейскяйхнень и арестовандамс купецть, озафтомс камерав ськамонза и макссемс шити весть кши да ведь. Кодак нежедсь пароходсь, косоль купецсь, сонь эстокиге фатязь полицейскяйхне и пякстазь камерас-одиночкас.

Цёрась мольсь куду, бта мезевок аф содай. Рьвац и рьвять мамац срхкасть встречать.

— Мондине аш пинге, — отвечась цёрась. — Монь тердемань оцязорсь.

А нят учсть целай ши, кафта, колма, ниле... ётась недяля. Курок ни топоди ков. А хозяинць аш. Оцязорсь чуть аф эрь илядня тердьсы цёрать морама. Тяни бабась кармась авардема и стирец-ка, а цёрась мезевок тейст аф корхтай. Ётась фкя ков, цёрась корхтай:

— Арда, варжасть тюрьмаста.

Бабась тусь тюрьмати мирденц варжама. Мольсь — купецсь тоса строгайста ащи. Сась куду, кармасть эняльдема цёрати, штоба сон царьть кядьста нолдафтолезе алять. Синь тя пингс ашезь сода, што цёрась тюрьматнень лангса азор.

Коли топодсь ровна ков, цёрась сась илять куду и корхтай:

— Мон эняльдень оцязорти. Сон мярьгсь ванды нолдамда.

А сонць цёрась кинге кядьста мезевок изь кизефне и оцязорсь тянь колга мезевок ашезь сода. Стирсь и тядясь кенярдсть. Тусть шобдава васьфтемонза. Цёрась макссь приказ нолдамс ку-пецть. Максомс сембе товархнень, конатнень ускозень купецсь мархтонза. Купецть пекоц со-лась. Щека пакаренза лиссть. Арась скелетокс. Еле-еле пильгонзон усксесыне. Мезенди ку-пецть озафнезь — сонцьке аф содасы.

Цёрась (тяни ни купецть овоц) ашезь яка купецть васьфтема. Кали купецсь сась куду, ваны, кода лац встречают цёрать, кона ков долженоль ащемс камераса-одиночкаса, сонь рамафоц. И мес тяфта лиссь, купецсь аф содасы. (Сон ашезе сода, што цёрась переправил купецть сёрмат-фонц марнек лиякс, што цёрась ни рьвяясь стиренц лангс).

— Мон жа мярьгондень, — корхтась купецсь рьванцты, — пякстамс сонь подвалу, максомс ши-ти весть кши и ведь. — А тинь тиеде мезе? — уркстозе сон рьванц.

Рьвац лихтезе пакетть и няфтезе. Купецсь сявозе пакетть, и ваны — кядсь сонь. Тяса сёрмат-фоль совсем лия. И кода тяфта лиссь, аф содасы, вроде, сон сёрматкшнесь совсем лия. Но ку-пецти тиемс аш мезе. Да и стирецка тяколь.

— Цёрась пяк гож, — мярьгсь бабась, — сон дельнай кодама.

— Тон, — мярьги, — ёт шачеть оцязорть ашить няенде, а сон знакомандась мархтонза. Цють аф эрь илядне тердьсы дворецу.

Аш мезе тиемс купецти.

— Дайте, кочкасайнек инжихнень, — мярьгсь купецсь, — и оду тисаськ свадьбать. Кочказь ли-якс инжихнень, ётафтсть лия свадьба. Цёрась тага весялготфнесь инжихнень, да стане, што ся-да пяк аш ков. Купец атять тусь мялезонза. Кали инжихне тусть, илядсть аньцек синць, ку-пецсь корхтай:

— Кати кода тя лиссь. Мон вдь ёрань озафтомс тонь ковонди подвале. Да максомс шити весть кши и ведь.

Цёрась отвечась:

— Мон вдь эста мярьгонь, штоба эстедот ёню афолеть рамсе. Изеть веронда. Тонь, — мярьги цёрась, — ковонди озафнедязь, мялезт или аф? Вов, — мярьги цёрась, — тят озафнекшне ло-матть. А тон содасак или аф киян мон?

Цёрась таргась зепстонза документонзон, максозень купецти. Купецсь морафтозень и шарьх-кодсь, кинь кядьс сон повондсь и мес ков мезенксонга аш ащесь тюрьмаса.

Цёрась и купецсь эрясть-ащесть марса куломозост.

Рассказал в 1960 г. житель с. Старое Бадиково А.Г.Сурдин,1886 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz