Козя купец

Эрясь-ащесь фкя козя купец. Ашель шачиец, ашель касыец. Богатствац ульсь аф кржа, ме-коланкт, ашель коза тиемс Фкя шиня и думандай:

— Дай-ка, тиян шоссе тя болотатать турке, коса народсь эрь кизоня мучендась и аф кржа вай-сесь. Шобдавакиге, омбоце шиня, паньфтсь алашат и кармасть строямонза. Ковшкада меле кись ульсь анок. Эряй ши, эряй кафта. И весть аванцты корхтай:

— Архта, кучка слугать тейне, мярьк, хозяинць терттянза. Аф лама пингта меле сувась слугац.

— Вов мезе, — эстокиге ушедсь купецсь, — архт шоссеть лангс и кулхцонк, мезе монь колган корхтайхть ломаттне.

Слугась кяшсь сетть алу, кона строяфоль болотать турке, мзярда кармасть якама — шяяма. Кона аф ётай, корхтай, кодама шкай максозе тя ломанть, дай бог, сай кизоть нинге сядонга пяк козякодоза. Слугась тусь куду и корхтай:

— Эх, купец, кона аф ётай — ся пееди и рахай. Корхтайхть: вов, дураконясь.

Колмоце шиня кучезе управляющаенц, сяс мес слугати ашезь веронда. Упрвляющайсь кяшсь сетть алу и кулхцонды. Тя пингть ётась колмошка ремесленник. Пачкодсть сетть лангс и корх-тазевсть, нежедемок перилатнень лангс: «Ну, ломань, аф ломань, а золод». Омбоцесь корхтай: «Тянкса шачеза цёрац и, штоба ся цёрать мархта сядоксть сяда козякодоль». Рейесленникне тусть сяда тов, а тя алашать лангс озась, кона вирь пулоняса эрхцес,ь и ардозь тусь купецть ши-ри. «Ну, кода?» — кизефни купецсь. «Ой, кода проклинают!» — отвечась купецти управляю-щайсь. Сяшкава тяда меле расстроендавсь, што кафта шида меле лазондозе сембе кить, тись стама, стама развалинат, што мезьсовок афолеть ётав, а сонць тусь кати-коза торгавама. Ётась ни кода целай киза, кода тусь кудста. Тя пингста кармась авац шачфнема. Управляющайсь вешсь стама калдун баба, кона ба кяшелезе цёрать, а авать няренц ваденделезе верса. Мзярда авась шумбракстомсь и бабась корхтай тейнза:

— Эх, матушка, тон эсь цёраняцень сивить. Авась варжакстсь ваномать пачк и думандай:

— Правда, наверна, сивине рас кургозе веры.

Аф лама пингта меле сась купецсь — авась азондозе, мезе мархтонза лиесь.

— Ну, ладна, вдна минь судьбаньке тяфтама.

Ётась аф лама пингта — шачсь синь стирнясна. Стирнять максозь монастыри, а синць тага кар-масть кафонест эряма. А бабать ширеса цёранясь каесь, аф шиса, а частса. Тонафнезь школаса, арась цёрась грамотнай ломанькс. Фкя шиня управляющайсь корхтазевсь, а цёрась чуланца ниге ашезь уда:

— Ну, баба, давай кошардсаськ, мезе тейнек эряви, сянь получатама. Сон шарьхкоди сембе вол-шебнай тефнень эса. Мон вдь сонь аф стак еявине купецть ширде. Тядянза-алянза вдь тянь колга мезевок аф содайхть.

Цёрась сембе ня корхтамаснон кулезень и шарьхкодсь, што сонь аляц совсем аф управляю-щайсь, и мамацка аф тя сире клдымсь. Омбоце шиня управляющайсь корхтай:

— Ну, Василий, тийхть тейнек стама кутт, кодапт тя маласонга аш.

Цёрась аньцек ювадсь «Улест минь кудоньке сембода цебярьхть!», кода тиевсть стама кутт, што сонцень купецтьке ашельхть. Омбоце шиня управляющайсь тага кошардсы, штоба син-дейст тиеволь стама цебярь дача, кодапт тя маласонга аш. Василий как ювади: «Тиевоза управ-ляющайсь пинекс!» Афи кенерсь азомска, кода инголенза ащесь оцю пря пине, сельмонза ванцть сонь пяк жаднайста, и пяк аф мазыхтольхть. Сявозе Василийсь пинеть и тусь алянц ширес.

— Нолдак, добрай ломань, удома!

— Ды сувак, — отвечась купецсь, лисемок кенкшть панжема. Шобдава стясь, ваны — пяна-кудса цяткне крфайхть.

— Дай-ка, щакай, аф лама цятконя!

— А мезенди, цёрай?

— Давай, давай, тят кизефне.

Аньцек таргазень пянакудста, кода цёрась каязень пинеть инголи и ювадсь сембе вайгяльса:

— Тетък, инекуй!

— Цёрай, месендят?

— А кода тон думандат, ломанць эсь иденц сивсы или аф? — корхтай цёрась.

— Мон монць сивине, — шуваня вайгяльса корхтай бабась.

— Тя аф тон сивить, а вага тя инекуйсь хотел сивомс, тон ашеть сивов, а сон — вага, сонцъ.

Атять мархта бабась кенярдсть, а пинеть эстокиге машфтозь ваймонцка. Кармасть стане эря-ма, што ломаттне анъцек дивандайхть лангозост. Строяфтозь тяка жа китьке и нинге кой-мезе макссь народти цебярь эряфонди. Аф лама пингта меле кучсть купецти сёрма, што сонь стирец якай ульцяв монастырьса, што гуляндай сембе цёратнень мархта. Прянц вятьсы аф стане, кода положена монастырьса. Тя тевть сембонь тиезе калдун бабась, конань мялецоль купецть цё-ранцка юмафтомс-арафтомс. И стиртьке лангс аф лама васькафнесь. Купецсь сяшкава кяжи-ясь, што аф муй валга.

— Архт, — корхтай цёранцты, — печк и кантк тейне седиенц.

Цёрась сявсь мархтонза продукта и тусь сестранц ширес. Васьфтемок сестранц, синь ашесть со-да фкя-фкянь. Стирсь ульсь стама мазы, што брадонц думоцка ашель, штоба кандомс сестранц седиенц. Мзярда лиссь стирсь прощандама, цёрась азондозе, местеме сась.

— Ну, ся тевсь тонне, — аварьгодсь стирсь. Пяльняц кундась пине, сянь шавозе, таргазе пот-мостонза седиенц, и тусь шачема ширезонза, а сестрац тусь вири, мусь землянка и кармась тоса эряма.

Тя вирьса охотендакшнесь фкя оцязоронь цёра. Ваны Иванць, пиненза ардыхть землянкать ши-рес.

— Кда ломань, лиседа, — пшкядсь цёрась, шаштомак землянкать малас.

— Мондейне, цёра, аш мезьса лисемс. Монь сембе щамне сязендевсть, — корхтай стирсь.

Цёрась каязе плащенц, а сонць арась боку. Лиссь стирсь, щазе плащть и тусь цёрать алянц ши-рес. Мзярда пачкодсть куду, цёрась мусь стама комната, коса штоба кивок афоль уле, матозе сонь, а сонць тусь эсь спальнязонза. Ётась аф лама пингта, и аляц Иван Царевиченди корхтай:

— Цёрай, рьвяялеть ни. Мон специальна тердине сембе оцязоронь стирьхнень лия государст-васта. Архт, кочкак, кона туй мялезт.

Цёрась тусь илятеньба бале. Аф ламос ащемда меле разочаровандавсь совсем. Сась куду и корхтай алянцты:

— Кивок мялезон изь ту. Монь ули стирезе, сон тяса.

Аляц кармась сюцемонза, а, дескать, кати-кодама нищаень стирь еяват. А цёрась сяконь: «Мон-дейне кивок лия аф эряви». Оцязорти аш месендемс, савсь согласиндамс. Вов эряйхть ни ламос стирть мархта — шачсь цёранясна. Тя пингть Иван Царевичень кучезе аляц фкя острове, коса сон командовась армия лангса. Иван Царевич скучендась аванцты и весть сёрмадсь сёрма, коса тердезе цёранять мархта аватьке. Анокласть омбоце шиня корабль и тусть. Стирть мархта оця-зорсь прважась фкя генерал. Уйсть ни ичкози и моряса генералсь корхтай:

— Елизавета, аде тейне рьвакс, минь тутама лия мастору.

Стирсь аварди, мялец молемс ёфеи аш. Генералсь макссь приказ, штоба корабльсь туль лия направленияса. Стирсь сявсь мархтонза спасательнай круг и цёранянц мархта комотсь ведти. Волнатне кафцьконь панезь берякть ширес. Иляденди лиссть берякти и тусть кафонест ся ши-ри, коса цифтордсть толнят. Пачкодсть веленяв, тоса ваймясть, а шобдава стирсь ушедсь рабо-тань вешендема. Предложили тейнза работамс продавщицакс, а цёранянц кадозе фкя бабанять ширес. Омбоце шиня наряжась стирсь цёракс и кармась работама магазинца. Тя магазинць ульсь сонь алянц, кона аф кунара тяза рамась мода и кармась торгавама. Аф лама ётась пинге, кода магазинць кармась стане кеподема, што товарооборотсь вииясь аф кафта недяляда ламос-та. А стирть мирдец тоскавась и фкя шиня няезе генералть, кона сась сяда меле, мзярда ко-мотсь стирсь моряв. Генералсь, няемок Иван Царевичень, азондозе, што авац ворьгодсь, ашель мялец мархтонза эрямс. Тяда меле нинге сядонга пяк кармась тоскавама. Ётась аф лама пинге, кода цёрась ерхкась куду. Ётамбачк сувась ресторану. Симондсь, симондсь и корхтай:

— Кие тейне может азондомс стама ёфке, конань мон нинге ашине марьсе. Стирсь марязе тянь и эряскодсь цёрать ширес. Стирсь кармась азондома сембе эряфонц, кода сонь брадоц ёразе печ-комс, кода тусь рьвакс, кода генералсь хотел еявоме лия странав.

— Елизавета! Тя тон?! — ювадсь кенярдемабачк.

Ушедсь нинге сядонга пяк симондема. Тисть пир, тердезь стирть алянц, пяльнянц и сембе на-родть. И тячемс эряй Елизавета Иван Царевичень мархта, толька аш ся калдун бабась и управ-ляющайсь.

Рассказал в 1960 г. житель с. Старое Бадиково А.Г.Сурдин,1886 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz