Кода ломаттне ушедсть кулсема

Солдатсь комсь ветие киза служась. Службац аделавсь. Сюконясь ялганзонды и тусь куду. Мо-ли и моли, ванонды вирьхть, лугат, паксят, кели болотат, ётай ляйхнень турке, аськоляй ве-летнень пачк. Пачкодсь седь малас. Аньцек путозе пильгонц седть лангс, алда лиесь атяня и корхтай:

— Цёрай, цёрай, дай ярхцамбяль, кши паморькскявок потмосон аш вов ни мзяра ши. Вачеда кургозевок аф панжеви, виезевок маштсь.

— Да моньге аш мезе ярхцамс. Аньцек кши кочамнязе и лядсь, кда пяк ни вачедат, на тяньге тееть — няняк.

Атясь еявозе кши кочамнять, синдезе кафтува: фкя пяленц венептезе солдатти, омбоцеть си-возе сонць.

Ну, ярхцаеть-тисть, копордасть седь алда ведняда и атясь мярьгеь солдатти:

— Вов няфтян картат, еявить синь, тейть кондястихть киге молемста. Молят, молят, пачкодят тяфтама тяфтама велес, няят церьку. Тоза ётай-потай ломаттне веть якайхть удома. Тоза удо-ма тонга поват. Поват и содак: ся церькавста удыхне юмсихть. Кодак аньцек тоза суват, ли-сихть васьфтемот и мярьгихть:

— Давай картаса налхктама.

Ушедат мархтост налхкома, а синь азсазь:

— Кда сяськат — живста лядат, кда аф сяськат — юмат.

И вов тя картатнень мархта максан тейть фкя вал. Кодак азсазь сят налхкомань законтть, эс-ток мярьк:

— Ожуда, ожуда, табакса нозомазе сась. Ожуда, юмамада инголе хоть весть пухадян, хоть фкя цигарканя качамня мархта тарган, ся ёткть мярьк аньцек фкя вал: «кошяль!»

Пращась солдатсь атянять мархта и меки поладозе эсь кинц. Мольсь — мольсь, сизесь. Ёрась озамс ваймама, но вов ни няеви веле. Пачкодсь велети, мольсь церькути, коса юмсихть ломаттне, а ульцява якайхне корхтайхть:

— Служивай, ломанень аралай, царьти слуга, тят сувсе церькути, тоса аф гож тефт тиенде-вихть, ломанень прят сязендихть, ваймот еявондихть, пакарьхть-полдат синнихть, сельмот тарксихть, верхт ноляйхть, верхт потяйхть. Тят сувсе тоза, служивай, тоста шотцевок аф муви.

— Мезе тият? Да мезевок аф тиеви! Кда ули паваскязе — лядан живста, кда аш паваскязе — кулан. Сембось Шкабавазть кядьса. Коза путсамань — тоза и аран. Крёстондазе солдатсь ко-нянц, мяштенц, варжакстсь шинять лангс, сон ульсь валгома ширесонза, сувась церькути: «Всё равно! Аф фкя тюремаса улень, аф фкя поганай ломань шавонь, шачема краезень аралань, аф фкя ава-шаба толста-качамста таргань — лядонь живста. А тяса кодама-бди нулга афпарморхт гразяйхть шавомс. Кда стане, монга аф фкя эздост шаван, стак белай светста аф туян».

Тя валхнень азозень эсь потмованза и эрязста пачкодсь церькунь кенкшть малас. Панжезе кенкшть, а тоса ни эсонза учихть. Комотсть каршезонза, шарондыхть перьфканза, каваняйхть-лестяйхть, а тоса озафтозь налхкома моркшть ваксе. Озафтозь и корхтайхть:

— Налхкомась тяфтама: кда тон сяськат — живста лядат, кда минь сяськтама — тон кулат. Мезе путат? Минь путтама золотат. А тон?

— Тейнь путомс аш мезе. Аньцек виде ваймозень и толса-качамса архтф ронгозень.

— Ну стане, так стане, — и таргасть картах.

А солдатсь корхтай:

— Монь моныдень улихть картане.

И эста лихтезень атять эзда еявф картатнень, ушедсть налхкома. Налхкихть и налхкихть. Сол-датсь сяськозень налхкихнень, сяськозень и сембе мараф золотатнень.

А сят и пшкядихть:

— Тонь картатне аф цебярьхть. Давайте налхкома миньценнетнень мархта.

Тага налхкихть и налхкихть. Но тага солдатсь сятнень сяськозень. И тага золотатнень сяво-зень.

А сят нинге ювадихть:

— Сембе сяка сифтядезь.

— Тямасть сив. Ков эряскодомс. Мон жа аф мянян. Кенярьхтяда и сивомс. Аньцек пяк ни ве-розе туста и равжа, аф копордави, ляпиятада. Да нинге ронгозе-тевлане сирет, калготт, крга-парезонтт пови, аф нилеви, опаптада. Мон вдь аф весть тюремаса улень, аф фкя пушкань ка-чамса архтфан, аф фкя пуляса сязентьфан-нозонтфан. Тяда эряскода — сивован. Ожуда, юмам-да инголе хоть весть табакта нозан, хоть мекольцеда пухадян, остаткаксь качамонь таньфкя марян, сединязень туста качамняса архтан.

Солдатсь ашкодсь цигарка, кафта кевняса тись тол и пухадевсь, а сяка шовор мярьгеь: «Ко-шяль».

Азозе тя валть, аноклазе копса каннема кяськавнянц и сембе сяськф картёжникне комотнесть потмозонза. Сембе картёжникне сувафтовсть кяскавняти и сонь солдатсь кемоста сотнезе. Ушедсь эчке байдекса шавомост. Шавсь-шавсь эсост, нльне сизесь, и повфтазе сянь сери тума пряс. Тяза повф картёжникнень ёткс повсь сонць. Куломась, сонць ваймонь еявись и ваймонь сивись сямбе еярядеманзон мархта. Солдатсь еявф золотань сяда оцю пяльксть, явозе ломатт-ненди, а лядыкснень кадозень эстеенза и тусь куроконе куду. Сась куду, рьвяясь, итть раш-тафтсь, хозяйства наживась. Тяфта ётась лама киза и аф фкя тяла. Солдатсь эряй-эряй, а аф сиреди. Семьяцка и лия ломаттне эряйхть-шаштыхть тяфта. И еярядематненвок сембонь ка-дозь, ломаттне шумбрат и сонга шумбра. Ломаттневок раштайхть и жувататневок, нармоттне-вок раштайхть. А марьда, сёрода, иможда — пефтома. Сембе вееялат, сембе тазат, и кивок аф кулсы, кивок аф еяряди. Шуфттневок аф вельсихть, тишетневок аф наксадыхть. Касыхть вя-ри, касыхть мянь менельти. Ляйса-шяйса сняра кармась улема калда — пильгцевок аф эцеви, не то што тоста симомс или эшелямс. Калхне шуфтонь эчксот, куяфт, оцюфт, сиянь петьколькс лакайхть, пзмолдыхть — теест кожфеь аф саты. Кожфсь и зверьхненди, и ломаттненди, и нар-моттнеди, и сембе лиятненди аф сатни. Сембось туста, сембось оцю. Сембось веши сиредема, кулома, но кивок аф сиреди, кивок аф еяряди и кивок аф кулси, аф юмси. Солдатське юкстазе, што сон сяськозе ваймонь еявить, ваймонь сивить и сотфета сотнезе таза тума пряс. Ашезь ля-денде тя солдатть пряс-колганц.

Весть солдатть седиенц ашкодозе ризф, путсть инголенза пиват-винат, и кода эряви копордась. Копордась, курендась и арьси: «Мее полафтсь эряфеь, мес сембось эряй, а аф кулси. Сембось шачи, сембось касы, эчкоми. Ваймоце аф тарксеви тя пяшкотьф эряфть эзда. Тя аф тев! Эряви семботь полафтомс!»

Эстонь пингть прязонза сась мяль: «Да ведь мон семботь инкса виноватайсь. Мон жа сяськине Куломать и сонь работниконзон — ломаттненди макссеви еярятьфонзон и сотнеф кяскавса ке-подине шуфта пряс!» Пачкодсь тя мяльсь солдатть пряс, тусь ся тумоть ваксе. Валхтозе кяска-вонц и семботь тоста нолдазе сувозь-куфцезь, ойксезь-ольксезь.

Эстонь шить ломаттне кармасть сярядема и кулсема. И коль ши, коль ков, коль киза сярятьфне ламокшнихть, арсихть пяк стакат и кувакат, а куломась нинге сяда виензась. Сон ломаттнень шавонды пуляса, бомбаса, ёрясыне машина алу, комотьфнесыне сери кудста, тапаф-несыне са-молётса и сонь пецка аш. Куломась пяк кяжиясь ломаттнень лангс: шерьфти модать эса, ноляй даволхт, тжнайвжнай оцю волнат, косьфтай вармат, и тя сембось семботь полафты, кулофты, наксафты, ваяфты и плхтай.

Рассказала в 1969 г. жительница с. Новые Выселки О.М.Фокина,1902 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz