Кошель

Эрясть-ащесть атят-бабат, синь ашель фкявок идьсна. Мзяра изь шаченда идьсна, сембе кул-сесть. Атясь соказе кядь лапшкя моданц и видесь сура. Мзяра пингта меле мольсь суроть вар-жама, сурось кассь и курок кармай кенерема. Тянь колга сон азондсь бабанцты. Аф лама пингта меле атясь тага мольсь суроть варжама. Сурось ульсь тапаф. Сась куду и корхтай:

— Баба, а баба, сурось тапаф.

Омбоце веня атясь сявозе ташта ружьянц и тусь сёроть ванома. Атясь ащесь-ащесь и ваны, лийкстась карга и кармась суронь тапама. Атясь ладязе ружьянц и ёразе каргть ляцемс. Но каргсь пшкядсь:

— Тямак ляце, атя, мон тейть пара тиян. Мольхть вирь яннява, сай сон кудс и сувак ся кудти. Атясь тусь вирень яннява, пачкодсь ся кудти. Кудть эса ванць сторож. Сторожсь кизефтезе атять, месть сон сась. Атясь азондозе, што сонь кучезе каргсь. Атять мельге лийкстась каргсь и атяти максь кошелёк. Мезе атяти эряви, тя кошелёксь максы. Атясь сявозе кошелёкть и тусь куду. Кудса атясь анась кошелёкть кядьста ярхцамбяль. Шрать лангс аньцек мезе ашезь эвон-да. Бабась мярьгсь тердемда баярть и сонь писаренц. Ярхцасть-тисть марса и баярсь корхтай:

— Макск тейне кошелёкцень, а мон тейть максан сера и слуга. Атясь согласиндась, сон максозе кошелёкть, а баярсь макссь тейнза сера и слуганц — Иванть. Месяцта меле сёросна шумор-давсь, а слугась ворьгодсь. Атясь обижавсь и тага тусь каргти. Азондозе, кода васькафтозе сонь баярсь. Каргсь макссь бочёконя. И азондозе, мезе тиемс. Мольсь куду, валхтозе бабанц пянакуд лангета и пшкядсь:

— Бочкя, бочкя, лихтийть 12 браттнень!

Лиссть 12 браттне и давай бабать шавомс сянкса, мес мярьгсь баярть тердемда. Пяле кулос ша-возь. Сяда меле сувасть 12 браттне меки бочоконяти. Тоса анась ярхцамбяль. Мзярда ярхцам-бяль тисть, тоса кучезе бабанц, штоба терделезе баярть мархтост ярхцама.

Сась баярсь атять шири. Атясь мярьгсь бочканяти, штоба лисельхть 12 браттне и давай баярть шавомс атять васькафтомда. Стане шавозь, што колма шида меле кулось.

Рассказал в 1967 г. житель с.Мордовская Поляна З.Д.Егоров, 1894 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу

Hosted by uCoz