Казанясь и офтсь

Казанять сась верозамац. Сон аф муй вастоня верозамс. Мольсь марлюня ваксе и корхтай:

— Марьнякскя, Марьнякскя, нолдамак алот верозама.

— Аф нолдате, Казаняй! Прай марьнязе — лазсынь муськомкатнень-пайгомкатнень прянянс-нон.

Тусь марьнякскять эзда, мольсь пизелксти.

— Пизелкскяй, Пизелкскяй, нолдамак алот верозама.

— Аф нолдате, Казаняй! Прай пизелкскязе — лазсынь муськомкатнень-пайгомкатнень пряняс-нон.

Тусь пизелкскять алда, мольсь черемкати.

— Черемкакскя, Черемкакскя, нолдамак алот верозама.

— Аф нолдате, Казаняй! Прай черемкекязе — лазсынь муськомкатнень-пайгомкатнень пря-няснон.

Тусь сон, утомня мусь. Утомнять эса варяня. Кармась корхтама Казанясь:

— Тяльк, пильгонязе, тяльк омбоцесь, тяльк колмоцесь, тяльк нилецесь. Тяльк прянязе, тяльк совсем Казанясь.

Сон тоса верозась. Тусь лофцонь, вайнь прдама, пиже тишеняда ярхцама. Сась казанясь верос-кятненди и корхтай:

— Панчк, Куськомкай, панчк, Куськомкай! Лоткнень-латкнень мон пяшкодьсайне, тише прят-нень мон ваияфтсайне. Фкя потясон лофца кандан, омбоцеса — вайня кандан.

Сувась казась, потяфтозень лефксонзон. Корхтай казанясь тейст:

— Эчке вайгяль сай — тясть ноля, шуваня вайгяль сай — нолдасть!

Тусь Казанясь лофцонь, вайнь прдама. Сась офта и эчке вайгяльса кармась корхтама:

— Панк, Кусь, камкай, панчк, Кусь, мамакай! Лоткнень — латкнень мон пяшкодьсайне, тише прятнень мон ваияфтсайне! Фкя потясон лофца кандан, омбоцеса — вайня!

Изезь нолда. Сась Казанясь, кармась корхтама:

— Панч, Кусь, камкай, пачк, Кусь, мамкай! Фкя потясон лофца кандан, омбоцеса — вайня кан-дан.

Нолдазь Казанять. Мольсь Офтсь бабаняти:

— Бабакай, бабакай, кода Казанять лисьфканза саламат?

— Тейть, Офтонди, аф салавихть.

— Мее, бабакай?

— Тонь эчке вайгяльце. Тон, ступай, прафтт сире тума, плхтак сире тумоть и цятконзон кургозт навайть. Толсь плхтасыне кургстот понатнень, вайгяльце шувалгоды и эста тон сала-сайть.

Мольсь офтсь каза вероскятненди, кармась корхтама:

— Панч, Кусь, камкай, панчк, Кусь, мамакай! Фкя потясон лофца кандан, омбоцеса — вайня кандан!

Панжезь кенкшкять. «Кап, фкять! Кап, омбоцеть!» — кафцьконь сивозень. Тусь Офтсь эсь ку-дозонза. Сась казанясь, кармась корхтама каза вероскятненди:

— Панч, Кусь, камкай, панчк, Кусь, мамкай! Фкя потясон лофца кандан, омбоцеса — вайня.

Аш, ашезь панже. Мольсь казанясь авардезь бабаняти:

— Бабакай, бабакай! Коза Офтсь салазень монь лефкекянень? Бабась кармась корхтама Казати:— Тон, Казаня, пицек блинцят и тертьк Офтонять. Мольсь офтонять мельге Казанясь.

— Офтоняй, офтоняй, аде пачаняда ярхцама.

— Аф пачкодян, Казаняй!

— Мон алашаса ускте.

Озась офтсь, ускозе казанясь. Озафтозе моркш ваксе, кармасть ярхцама. Офтонясь корхтай:

— Казаняй, мон топодень, туян куду.

— Тон, Офтоняй, может, эйндать?

— Мон, Казаняй, эйндань!

— Сак, мон тонь эжтте. Озак кайме лангс.

Сон озась кайме лангс, еявозе Офтть и ёрдазе пянакудс. Офтть лопадсь пекоц и лиссть Казать иднянза. Сявозень казанясь синь мархтонза эряма-ащема.

Записал финский этнограф Х. Паасонен в с. Мордовский Пимбур
Спасского уезда Тамбовской губернии в 1920-х гг.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz