|
Каркне, мацихне Эрясть-ащесть атят-бабат. Бабась кулось, илядсь стирняц. Атясь рьвяясь, сявсь стирня мархта ава. Бабась шачфтсь цёраня. Аф родной стирнять сявондезе работама паксяв, а роднойть кадон-дозе церанять мархта ащема. Стирнясь церанять лихтезе вальмять алу налхксема, а сонць тусь ялганзон тейс налхксема. А церанять колга совсем юкстазе. Лийкстасть вирьста каркне, мацих-не. Ётамста салазь церанять. Сась мамац, а церанясь аш. Кармасть вешендемонза, ашезь му. Шобдава родной стирец мярьгсь панемда пяряка. Мамац пидесь пяряка, и тусь стирнясь цера-нять вешендема. Моли, моли стирнясь. Кить ваксса ащи ваци пула буканя. « Стирняй, стирняй, штак пулонязень, тейть пара тиян». «Карман заботендама», — мярьгсь стирнясь. Тусь сяда тов. Сон васьфтсь шады лофца мархта сяканя. «Стирняй, стирняй, сявк монь пейскязень». — «Кар-ман, туян сяда тов». Мольсь, мольсь стирнясь, васьфтсь марена. «Стирняй, стирняй, сязендить марнянень, тёждялгофтомак», — мярьгсь маренась. — «Мои кенордан», — мярьгсь стирнясь. Моли, моли сон и ваны ащи кудня. Сон пиндолды, клянцянь. Ваны, потмосонза ащи церанясь и налхкси алняса. Сявозе церанять и тусь ласькозь. Сатозе маренать и ётазе, сатозе лофцонь ся-канять и ётазе, а букать маласа маренась, лофцонь сяканясь и букась ювадсть мацихненди, што стирнясь салазе церанять. Каркне, мацихне тусть лиезь мельганза и сявозь церанять мархтост меки, а стирнять пяк калгазь. Мольсь стирнясь куду авардезь, азондозе кинь кядьса церанясь. Шобдава стясь аф родной стирец, анась пяряканя и тусь церанять инкса. Вов сон моли и сатне-сы ваци пула буканять. «Стирняй, стирняй, нардак пулонязень, тейть пара тиян». Стирнясь тиезе тянь. Тусь сон сяда тов. Сатозе шады лофца мархта сяканять. «Стирняй, стирняй, сявк пейксозень, лоткафтомак шадомда, тейть пара тиян». Стирнясь лоткафтозе шадомда. Тяни са-тозе маренать. «Стирняй, стирняй, сязендить марнянень. Тейть пара тиян», — мярьгсь маре-нась. Вов сон пачкодсь глянцянь кудняти, варжакстсь, а тоса налхксесь золотань алия мархта церанясь. Фатязе аф няемок сонь стирнясь и тусь вишкста ласькозь. Сатозе маренать, сон ювадсь стирняти, што кяшсы сонь. Сатозе лофцонь сяканять. Сон ювадсь: «Скорей, скорей, тят пель, минь аф юваттяма». Сатозе буканять. Буканясь корхтай: «Тят пель, аф юваттяма мацих-ненди, сак скорей». Стирнясь канозе куду церанять. Мацихне сувасть куду, церанясь аш, и тусть сонь вешендемонза. Сатозь маренать и кизефтезь: «Исть ётафта цераня?» — «Аш, аш», — мярьгсь маренась. Тоса сатозь буканять и кизефтезь, ашесть ётафта ли цераня. Буканясь азозе, аш, исть ётафт. Тоса кизефтезь сяканять, сон тожа азозе, што аш. Каркне, мацихне мрдасть ме-ки. Стирнятнень кудса ульсь оцю кенярдема: мувсь церанясь. Авась сотфтозе родной стиренц айгор пулос и ускфтозе пуста паксяс, коса кяденц — эса коцькарга, коса пряц — эса сапоння.
Рассказала в
1969 г. жительница с. Новые Выселки О.М.Фокина,1902 г.р. |