Иванушка-дурачок

Эрясть-ащесть атят-бабат. Синь ульсь колма цёрасна. Эрясть-ащесть, бабась кулось. Моли шоб-дава атясь бабанц калмонц варжама, сон шоряф. Аньцек петьсы атясь калмоть, тага катимезе шорясы. Вот атясь и корхтай цёранзонды:

— Тидянтень калмонц катикие шорсесы, эряви молемс веть дежуряма, ваномс, кие азоронда-вай.

Васенцекс молемс прась оцю цёрати. Тусь оцю брадсь, аньцек мольсь, мадсь и удось щоб-давати самс. Стясь шобдава, сась куду и корхтай: «Мезевок ашень няе». Омбоце шиня тусь омбоце брадсь. Сявок мадсь и удось шобдавати самс. Шобдава стясь и сась куду, корхтай: «Киньге ашень няе».

Колмоце илядне сась колмоце брадть очередец. Дураксь сявозе мархтонза катонц и тусь кал-монц ванома. Сон мадсь калмоть лангс, повонза тонгозе катонянц и матодовсь. Ровна пялевес-та катось кармась шаманц киськоряма. Комотсь дураконясь, ёрась катонц пиксомс, ваны, да калмоста лиси алаша. Дураксь кярьмодсь алашть кргас, а алашась тусь лиезь, сон ёразе ёрдамс Иванушкань, но тя ульсь аф стама тёждя. Алашась макссь дурачёкти колма шяярнят и мя-рьгсь:

— Мзярда мон тейть эрявкстован, вяшк ня шяярнятнень пачк. Дураксь сась куду и корхтай:

— Ашень няе мезевок.

Но тяда меле калмоть кивок ашезе шорсе.

Весть ётайхть велеть эзга царьть слуганза и серихть, штоба сембе од цёратне молельхть царьть кудонц инголи.

Ся пингть царьть ульсь стирец, конац эряволь ни максомс рьвакс. Но стирсь эсь коряванза ашезь мушенда мирде. Сон озась инь вярце вальмять каршес, штоба сонь сембе няелезь. Кда кие ёрай сявомс стирть рьвакс, должен комотемс стирти и сявомс кядьстонза сурксонц.

Ежу кафта браттне наряжасть-тисть и тусть оцязорть каршес, а дуракть мархтост изь сяве.

Дураксь валгсь, тусь вири, марась панга кептерня и сась куду. Тяда меле лиссь ушу, вяшксь шя-ярнятнеь пачк и лиссь сяка алашась. Дураксь фкя пилезонза сувась, омбоцева лиссь и арась красивай цёракс. Ардсь оцязорть каршес, арнесь, арнесь народть ёткова и сась меки куду. Састь брадонза, азондыхть, кода кодама цебярь цёра народть ёткова арнесь. А дураксь велясь пенц лангс и кулхцонды.

Омбоце шиня тага дураксь якась, арнесь, арнесь и сась меки куду.

Колмоце шиня сон тердезе алашать, фкя пилеванза сувась, омбоцева лиссь и арась нинге сяда цебярькс. Сон тага сась, арнесь, арнесь народть ёткова, но ся пингть няезе сонь стирсь и корх-тай:

— Нолдасте, тя цёрать, шять, сон комоти. Дураксь кизефнесы алашанц:

— Кода, комотеват?

— Комотеван!

Алашась сявсь разгон и комотсь. Цёрась сявозень стирть кядьста сурксонц и платоконянц, и валгсь. Дураксь больше куду изь моле, сон мадсь оцязорть баняс и утцси. Ся пингть лия оця-зорхне кяжиясть тя оцязорть лангс, мес тейст изезе макса стиренц, и напали лангонза. Стирсь мольсь дуракти и корхтай:

— Тон костоннят?

— Аф содаса!

— Коволдоннят?

— Аф содаса!

— Кода лемце?

— Аф содаса!

Оцязоронь стирсь аварьгодсь и корхтай:

— Тонь инксот алязень лангс напали, а тон удат и удат.

Дураконясь стясь, тердезе алашанц и тусь врагть каршес. Шавозень сембе ломаттнень. Сась и тага мадсь баняв. А мзярда дураксь тюрсь, сон малость ранендавсь кядец. Дуракть кяденц сот-незе стирть акац. Тяда меле сон сувась баняв, дуракть кядец сотнеф, сон юксозе сотнефть, ва-ны, да сяка жа цёрась, конанцты тись перевязка. Дураконять куроконя вятезь оцязорти. Сон тердезе алашанц, арась цебярь цёракс. Тяса тисть свадьба, тердезь цёрать алянцка. Аляц васен-да сонь ашезе сода. Ушедсть гуляндама, но тя времать маряйхть кати-мезень дуборф, ся сась алашать тидяц. Цёрась керозе сонь пачк. И синь кармасть лац — ряц эряма.

Рассказал в 1970 г. житель д. Поповка П.С.Шуняев, 1910 г.р.

Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу

Hosted by uCoz