Иван Горохин

Эрясть-ащесть атят-бабат кафонест. Ашель шачисна, ашель касысна. Весть бабась тусь ляи муськома. Муськсь-муськсь, ваны — уи ведть ланга турготьф снав. Лоткась бабать инголи и кармась фкя вастса шарондома. Бабась кундазе снавть, каподезе кургозонза и сивозе. Вейхса ковда меле сонь шачсь цёраняц. Атят-бабат лемонц путозь Иван Горохин. Иван кассь аф ки-зонь, а частонь. Мзярда сон кассь оцюста, корхтай алянцты:

— Ну, аляй, тяни тифтть кузнецяса тейне кшнинь байдек и бславамак. Мялезе эсь прязень няфтемс и ломатть няемс.

Иванть аляц тусь кузнецяв кшнинь байдеконь тифтема. Аляц тифтезе и максозе цёранцты. Иван Горохин ёрдазе байдекть вяри. Мзярда кармась прама мастору, 25 пудонь сталмоса бай-дексь синдевсь, прамок пильгонц лангс.

— Архт, аляй, тифтть 50 пудонь сталмоса.

Аляц тифтсь и тага максозе. Цёрась ёрдазе байдекть, и сон тусь стама вяри, што афи няевсь; мзярда тага кармась прама мастору, сон ладязе пильгонц — байдексь синдевсь.

— Архт, аляй, тифтть 75 пудонь сталмоса байдек.

Аляц стане и тись. Аф лама пингта меле тифтсь 75 пудонь сталмоса. Цёрась ёрдазе, ладязе пильгонц — байдексь мяндевсь.

— Ну, тяни, аляй, дай косьфтада сухарьхть, мон туян.

Мзярда сембось ульсь аноклаф, Иван Горохин тусь кис. Мольсь ичкози, ётась аф кржа вайгяль-бе и вдруг ваны: куст ала уды богатырь. Тя ульсь Иван Вознесенскяй. Иван Горохин мадсь вак-созонза и матодовсь.

Мзярда сргозсь Иван Вознесенскяй, ваны, эсь сельмонзонды аф верондай. Мялецоль шавомс, но вдруг думандазевсь: «Мезенди мон шавса: сон вдь, мзярда удонь, ашемань тока». Иван Го-рохинти Иван Вознесенскяй корхтай:

— Ну, давай вийньконь варжасаськ.

Кафцьке согласиндасть. Иван Горохинонь эрьхтезе мяштти Иван Вознесенскяй — богатырсь аньцек шерьхкозевсь. Иван Горохин кодак эрьхтсь — тона пуЬфокс ляцсь мастору.

— Ну, тяни мон тейть улян младшай брадокс, — корхтай Иван Вознесенскяйсь.

Тяда меле кафцьке тусть сяда тов. Мольсть-мольсть, вачсть пекснаТВаныхть: степса траксонь стада. Иван Горохин фатязе траксть пулода и шарфтозе кругса перьфканза. Пулоц лядсь кяде-зонза. Сивольть пидезь, ярхцасть и тусть меки. Мольсть, мольсть, мусть вирь кучкаса оцю куд, пирьфоц няшксель жуватада. Горохин корхтай Вознесенскяйнди:

— Тон пидят обед ня жувататнень эзда, а мон туян охотас.

Тусь Горохин шобдава ранакиге. Тя пингть лийкстась кудняв Кащей Бессмертнай, тоса Возне-сенскяй аноклась обед.

— Вознесенскяй, андомак, а то сифте тонцень.

Иван Вознесенскяй макссь пяле котёл — сивозе, ашезь топодь.

— Дай нинге, — корхтай Кащейсь.

Иван илядытьке максозе. Обедась Кащей, а меле кеподезе куд уголть, путозе богатырть прянц кудть алу, а сонць лийкстась. Мучендась, мучендась младшай богатырсь, кати — кода лисевсь, а тя пингть мрдась Горохин охотаста, ярхцамбяль ашель.

— Мес, Вознесенскяй, обед ашеть пиде? — кизефнесь Горохин.

— Пенгятне начкт, ашесть крьвястев, — отвечай тона.

Омбоце шиня лядсь обедонь пидема Горохин. Ваткась бука, маразе котёлти сивольть и ушедсь пидемонза. Аньцек кармась пима обедсь, кода тага лийкстась Кащейсь.

— Горохин, андомак!

— Тоньценьге вийце саты работамс, — пшкядсь богатырсь.

— Мон тонь пакарьхненьге аф кадсайне, — ушедсь гразяма Кащейсь.

Горохин фатязе сонь сакалда и давай вачкиемс прянц куд стенати. Сакалоц сязевсь, и сонць лийкстазь вирть ширес. Горохин ласьки мельганза. Сон няйсы, што богатырсь сатсы, — сувась варяс, тусь модать пачк.

— Ну, тяни содаса, мес обедце ашезь пи, брат, — корхтазевсь Горохин, мзярда Вознесенскяйсь сась охотаста. — Тяни давай, брат, понатама пике и суватама ся варяти, коза кяшсь Кащей Бессмертнайсь.

Ватксесть кафонест ленгат и понасть сядошка метрань кувалмоса пике. Мзярда пикесь ульсь анок, тусь ся пещерати.

— Нолдамак, брат, а тонць учеамак тяса, — мярьгеь Горохин Вознесенскяйти. Младшай братсь нолдазе пиксть вельде ся пещерати. Горохин няи тоса дворец. Мольсь дворецть малас, тоса вальмава ванондсь красавица — стирь. Тя ульсь оцязорть стирец, сонь салазе Кащей.

— Эх, Горохин, местема тяза сать: Кащей Бессмертнай и тонь аделатанза, — мярьгеь стирсь.

— А мон сонь как раз и вешендьса.

— Сон монь ёмла сестразень ширеса, архт тоза, — мярьгеь красавицась.

Богатырсь тусь моря берякова. Ваны, шинять каршеса эженди тишенятнень ёткса щука. Горо-хин комотсь берякти, кундазе калть и мялецоль сонь жарендамс. Но калсь кармась ломань вай-гяльса корхтама: «Тямак тока, богатырь, пара тиян, тейть нинге яраштан». Горохин нолдазе калть и тусь сяда тов. Пачкодсь тага дворецс и няи красавица — стирь, нинге сяда мазы васен-цеть коряс.

— Эх, цёра, местема тон сать? Тяста кивок живойста изь мяненде, — эняльгодсь красавицась. — Тяни вов мезе, архт вири. Тоса муят тума. Тумоть пряса сундук, сундукть эса нумол, нумолть потмоса утка, уткать потмоса ал. Вов тоса сонь смертец.

Цёрась еявозе ружьянц и тусь тоза, коза прважазе стирсь. Пачкодсь вири, музе ся тумоть. Бога-тырсь фатязе тумоть кучкада и синдезе пачк. Прась сундуксь модать лангс, лазовсь крышкац. Потмостонза тусь ардозь нумол. Горохин целясь ружьястонза нумолть лангс — шавозе сонь. Потмостонза лийкстась уткась — сяньге шавозе, алсь прась моряв. Якай морять крайге Горо-хин, прафтсь тоскас.

Калсь корхтай:

— Мее, богатырь, аф вееялат?

— Кода мес, алсь прась ведти.

Щукась эстокиге сембе калхнень кошардозень вешендема, сембе ведть емборгофтозь. Аф лама пингта меле щукась таргазе ведть потмоста алть, и сон тусь сяка жа дворецти.

— Ну, кода, сатыть? — кизефнесы стирсь.

Богатырсь азондозе, кода музе, и кафцьке озасть шрать ваксе обедама.

— Тяни сон илять сай. Кармай тонь симдемот пивада, конат ащихть вона седяла види бокса. Сянди машты сембе вийце. А тон сипть кержи ширдень боцькятнень эзда: сянди сяда кармай касома вийце.

Ётась аф лама пинге, кода вирсь сразу увназевсь.

— Тя сон сай, — корхтай стирсь. — Аре, кяште коза-коза.

Цёрать кяшезе цюланц, а сонць лиесь васьфтемонза.

— Фу, русскяй дух кудсон!

— Ворьхть, тята корхта зря, тонць шарондат куване-повсь, — пшкядсь каршезонза стирсь. Озасть обедама, и стирсь корхтай:

— А тон месенделеть, кда монь брадозе саль инжикс?

— Колма шит гуляндафтолине, вов месенделине.

— Сон вдь тяса, — корхтай оцязоронь стирсь.

— А месть мле кяшендьсак, лихтьк, — каршезонза торазевсь Кащейсь.

Лиссь Иван Горохин, венептезь кядьснон, шумбракшнесть. Иванонь озафтозь шрать васксс. Кармасть симондема. Иван симсь кержи боконь пивать эзда, и нинге сяда кемокстась виец.

— Ну, тяни давай, Горохин, вийньконь варчеаськ.

Богатырсь кодак эрьхтьсы Кащейть, ся модати пялева пезсь, омбоцеда эрьхтеда — прява пезсь модати, но куломс аф кулы. Горохин таргазе зепстонза алть и корхтай:

— Саты повсеть ломать, мон пецень сатса. Богатырсь колазе алть, и Кащейсь велясь, кода пулф.

Горохин еявозе оцязорть стиренц и тусь омбоцеть инкса. Молихть колмонест ся варяти, куване сувась богатырсь. Пиксть шерьфтезе — макесь сигнал, штоба таргамс.

Усксь, усксь Вознесенскяй пиксть эса, ваны — стирь. Кенярдемац ульсь аф азомшка. Омбоце-да нолдазе — тага таргась красавица. Колмоцеда нолдазе пиксть, кармась таргамонза, лядсь ни кафтошка метра, кода Вознесенскяй шарьхкодсь, што тя Горохин. Керозе пиксть, и кевкс бога-тырсь тусь алу. Стане тапавсь, што цють-цють пачкодсь сяка дворецти, косоль инголи. А Возне-сенскяй сявозень стирьхнень и тусь кудозост. Оцязорсь тись стама пир, сембе народть тердезе гуляндама.

А Горохин омбоце шиня сявозе ружьянц и тусь шарондома вирть крайге. Ваны, коське тума, ту-моть пряса ранендаф орёл. Иван Горохин ладязе ружьянц, мялец шавомс. Орёлсь корхтай:

— Горохин, тямак шав, пара тиян.

Богатырсь ноладзе ружьянц. Аф лама пингта меле тага целядсь лангозонза. Орёлсь тага эняль-годозевсь:

— Иван Горохин, кадомак.

Богатырсь тага нолдазе ружьянц. Колмоксть нолнезе и кепсезе ружьянц орёлть лангс. Меле валхтозе орёлть и сявозе куду.

— Кода тяфта ранендавоть? — кизефнесы богатырсь орёлсь.

— А тяса нармоттнень ёткса ульсь война. Монь сембе отрядозе шавовсь, а монцень раненда-мазь.

Ётась аф лама пинге, и орёлсь корхтай:

— Тяни давай аноклак 25 пуд сиволь, 25 ведарка ведь.

Иван Горохин аноклась 25 пуд сиволь, 25 ведарка ведь и сркась тума. Путозе ведть и сивольть орёлть копоренц лангс, и синь лийкстасть. Лийсть, лийсть, орёлсь и корхтай:

— Ватта, алува мезевок аф няят?

— Аф оцю ведня.

Орёлсь нолдазе сонь, и богатырсь прась ведти. Ваны орёлсь, што Иван вайси, прафтсь алу, кун-дазе сонь.

— Ну, кода, эводеть, Иван Горохин?

— Кода ашень эводе, мон арьсень ни, ваян.

— Монга вдь эводень, мзярда ружьять латцить лангозон, — мярьгсь орёлсь.

Лиссь берякти, орёлсь корхтай:

— Тяни, Горохин, аноклак 50 пуд сиволь и 50 ведарка ведь.

Богатырсь мольсь вирть крайс, Мусь стада, печксесь букат и кандозень орёлти. Озасть омбоце-да и лийкстасть.

— Ватта, Горохин, мезевок аф няят?

— Карьхкашка ведня.

Нолдазе орёлсь богатырть — шлёпадсь ведть кучкас. Ваны орёлсь, вайси ялгац, ёрдась пря, тага таргазе.

Колмоцеда Горохин аноклась 100 пуд сиволь и 100 ведарка ведь, лийкстасть синь колмоцеда. Вов ни синь лиссть варять потмоста, кода маштсь синь сивольсна, ведьсна. Горохин керсь пиль-ге пукшестонза сиволь пакш, максозе орёлти.

— Эх, кодама танцти, Горохин, — пшкядсь орёлсь.

Мзярда лиссть ся варяста, Иван азондозе, што сон керсь сиволь пильге пукшестонза. Орёлсь брызгазе керсеф вастть, и богатырть пильгоц пчкясь. Фкя-фкянди азсть спасиба, прощандасть фкя-фкянь мархта и тусть эсь кигаст.

Горохин мольсь-мольсь, кундась врьгаз. Аф оцю васта ётась, кундась офта, ётась аф лама васта — кундась тигра. Сотозень сембонь и тусь мархтост сяда тов. Мольсь-мольсь, сатсь веленя. Крайста кудняти сувась и эняльгодсь кудазоравати:

— Бабай, нолдамак уд ома.

— Аде, сувак, цёрай, — корхтай бабась.

Горохин нолдазень зверензон пирьфи, а сонць мадсь. Шобдава макссь бабати ярмак, штоба зверьхненди рамаль сиволь и аннелезень синь.

Аф ичкозе тя веленять эса ульсь эрьхке. Тяса эрясь 12 пряса чудовища-атя. Эрь шиня тя чудо-вищась салсель ломать и сивондельхцень синь.

Мзярда чудовищась содазень оцязорть стирензон, што синь састь куду, кучсь пакет, коса анась оцязорть стиренц. Шобдава кармасть шавома пайкнень.

— Бабай, мезень тя шум? — кизефнесы богатырсь.

— Тя оцязорть стиренц тячи прважайхть, прощаыдайхть мархтонза.

Сась илядьсь. Ускозе аванц Иван Возне сенскяй чудовищати. Горохин сявсь мархтонза сухар-нят, кшнинь байдеконя и тусь эрьхть трвас. Мзярда пачкодсь и няезе оцязоронь стирть, кона аварькшнесь, содазе. Няемок богатырть, стирсь сельмоведеньбачк корхтай:

— Местема сать, добрай ломань? Катк уш монць юман.

Аф ламос ащемда меле сась чудовищась.

— О, мон арьсень аньцек яксяргать ускозь. Ну, молодец, тяфтак нильхте, или вийцень варжат мархтон?

Горохин сявозе кшнинь байдеконц и лиссь каршезонза. Весть реськафтозе богатырсь — ляцсть колма прянза. Омбоцеда реськафтозе — тага колма прят ляцсть.

— Ну, Иван Горохин, саты, тямак адела совсем, — ушедсь энялькшнема чудовищась.

— Нинге тямак шав! Мон тейть няфтьса, штоба больше афолеть сивонде ломать, — и Горохин ляцьфтезень сембе прятнень. Стирсь лоткась авардемда и терди богатырть эса дворецу. Горо-хин атказась, корхтай:

— Монь кудса тевозе ули, аш мзярда.

Омбоце шиня тага кармасть пайкнень шавома.

— Мезень тя шум, бабай? — тага кизефтезе Иван Горохин.

— Тя, цёрай, омбоце стиренц прважай оцязорсь чудовищати.

Богатырсь каясь стаканц ведь.

— Кда, бабай, верыяй ведсь, нолдайть пирьфста зверьхнень, — а сонць эстокиге сявозе байде-конц и тусь эрьхкть ширес.

Пачкодсь эрьхть малас, няезе, оцязорть стирец аварькшни. Мольсь Горохин малазонза и ваны, содаф стирсь.

— Местема, добрай ломань, сать? Катк монць ськамон эман, — корхтазевсь оцязорть стирец.

Сась илядьсь. Появась чудовищась и корхтай:

— Ну, кода Монь ёмла брадозень шавить, то тячи пецень сатса.

Лиссть карань-каршек. Богатырсь яфодсь — ляцсть чудовищать колма прянза.

Аф лама пингта меле ляцьфтезень тага колма прянзон. Тюрсть, тюрсть, сизесть, и корхтай богатырсь:

— Давай вайматама. Всякай войнаса эряй, вдь тиедихть перерыфт.

Чудовищась согласиндась аньцек вете минутас. А стаканца ведсь верыясь. Горохинонь зверен-за кармасть порема касякнень. А бабась тя пингть матодовсь.

Горохин таргазе кямонц и ляцезе кудть шири. Кямоц повсь куд уголти — шерьхкозевсь кудсь. Стясь бабась, нолдазень зверьхнень. Зверьхне бурякс лийсть тоза, косоль богатырсь. Пачкодсть и кармасть сязендема чудовищать эса, аньцек сиволь пакне лийсть эздонза.

Чудовищать сязендезь пакшень-пакш.

Тяда меле оцязорсь тись оцю праздник. Тердезень сембе ломаттнень пирс. Иван Горохин корх-тай:

— Аде, бабай, миньге мольхтяма.

Сявозень зверьхнень мархтонза и тусть оцязорть дворецонцты. Мзярда ломаттне няезь, кар-масть пелема.

— Тяда пель, — корхтай Горохин, — синь тинь аф токатядязь.

Стирхне варжакстсть и содазь и богатырть, и зверьхнень, конат аралазь чудовищать эзда.

— Вов, аляй, ваймонь идиеньке, — корхтайхть стирьхне.

Оцязорсь васенда ашезь веронда, но мзярда азондозь сембе тевть, сон пякстазе Иван Вознесенс-кяйнь, а Иван Горохинонь путозе вастозонза оцязоркс, а сембода цебярь стиренц максозе рьвакс.

Меле оцязорсь кармась дивандама, кода овоц кеподезе государствать. Ламос кармасть лятфн-емонза и шнакшнемонза Иван Горохинонь. Кие аньцек афольхце сода тя предводительть, кона ульсь ёню, опытнай, гуманнай и оцязоронь кельгома.

Рассказал в 1960 г. житель с. Старое Бадиково А.Г.Сурдин, 1886 г.р.

Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу

Hosted by uCoz