Чуданди верондаматне

Тяниень кизотненди азксне чудатнень колга пачкодсть кода ёфкст и синь пяк кельгсазь ёмла шабатне. Лама, лама кизода инголе народсь эсь ашушинц инкса верондакшнесь чудатненди. Сон корхнекшнесь, што эрь кудть ули Кудавац, калдазса эряй Калдазава, што баняса эряйхть шяй-таттне. Народти лезкс кивок ашезь макссе, да и аш коста сон ульсь вешемс. Сяс энялькшнесть эсь Кудаваснонды, штоба сон тейст лездоль эряфсост, Калдазвати эняльдельхть, штоба рашталь калдазса жуватасна. Азондсть тяфтама баснят, што кда Кудавать аф мялезонза вастсь, коза путф кудсь, то семьясь кода ба тяль старанда козякодомс, сяка кармай эряма ашуста. Сянкса ломаттне инголи полафнезь эряма вастснон, кепсезь кудснон, мишендезь эряма усадьбаснон, ётнесть лия эряма вастс. Кда Калдазавась аф кельгсыне скотинатнень, то сон сембонь уратфт-сыне.

Фкя ломань азондозе, што сонь калдазсонза ашезь моле сёрмав тракссь, сон мизе, а рамась лия тюсса. Тянь эзда няеськ, што ломаттнень эряфсна ульсь Кудавать и Калдазавать кядьса.

Вов мезе азондсь 75 кизоса велеряйсь Казеева Елена Прокопьевна.

1. «Ульсь минь несколька алашаньке лама тюсса. Калдаз авась кельгозе серай тюссть. Шобдава сонь гриванц поназе, а алязе орадозе. Омбоце шобдаваня няйсы алязе, што алашац урадсь. Сон азозе, сувамок куду, што лангозонза кяжиясь и урафтозе сонь алашанц».

2. Азонды Витькина Прасковья Николаевна, сонь 60 кизоц.

«Ульсь минь кое — кодама ташта куднянеськ. Семьяньке оцю, эрявсь строямс лия. Вов минь кармаме строендама лия. Лама нужа няеме, штоба сельмоньке няель цебярь куд. Вов ни стро-ендавсь, а кудть путоськ сиреть ваксе, болотать шири, а болотаса эряйхть шяйтаттне. Заводямс одукс скотинат — Калдазавась кяжиясь, што мес лия вастс ётафтоськ калдазть. Тяни эрятама од кудть эса, а сединьке мес — бди ашезь успокоендакшне. Лисендихть алятне калдазу, тоса уратф ведражсь, несколька времада меле урадсь тувось, тунда шири урадсь траксське. Минь пяк улеме горяса, срхксеме ётафтомс лия вастс кудть, но корхтамазь. Эста минь нолдафтоме молебонь. Сяда меле тевоньке тусь цебярьста».

3. «Фкя аваня шачфтсь кула идь. Сон пяк пичедсь инксонза, што ашезе сата лепт — пилет. Вов сон корхтай: «Няелине хоть онцтон идезень». Вов шобдава лангс вальмава стукайхть и юва-дихть: «Мольхть церькаву, няфтьсазь идьцень». Сон сядонга пяк пичедезевсь ваймонц иде-манкса. Ломатть азозь, што эряви молемс церькаву, сонь тоза тердезь. Молемс эрявсь веть. Сон решила якамс колма шит ваймонц идема. Весть шоподсь, тусь, попть кядьста панчфтозе церь-кавть, сувась и арась фкя вастс, кенкшть меки пандозе, а сеттнень ала дуборфнихть, бокнень эзда эсонза усксихть, а сон мезевок аф корхтай уторозост, а озонды. Вов шобдава лангти няфне-сазь иднять, сон целайняста равжа. Омбоце шиня тага мольсь озондома. Иднять няфтезь пяле видес акшеня, а колмоце шиня няфтезь, сон ульсь целиком акшеня. Колма шинь озондомасонза тяфтама страстьса сон идезе идть ваймонц — озондозе. Сяда меле сон успокоендась, идть колга лоткась думандамда, а сонць кармась сярятькснема», — корхтай Чипирова Пелагея Кузьми-нична.

4. «Эряме минь пяк козяста, сембонеськ ульсь. Ломань шири мезенксовок ашеме яка. Ульсть кафта траксоньке, алашаньке, учанек и лия жуватаньке, лама сёродонк, добрадонк. Ашеме ду-манда, што сатсамазь беда. Вов лисень урхтонь панема. Постуфне нинге ашет, ащан учан эсост. Ванан ётай уторганк мезе — бди похожай самолёт лангс лиезь, но шумфтома. Эздонза пракш-несть кода ловонь мархт, а тюссна тюжянят. Лийсь прагал шири. Мон сембе ванонь мельганза, но вдруг юмась. Уторонк эряй алясь ювади тейне: «Анна, мезевок няеть?» — «Няень», — мярь-гонь мон. Сосед авась — Ага тожа ювадсь, што сон няезе, а ульцять кувалмос ластя ардсь Гри-ша — аля. Кизефтеськ сон няйсь ли мезе. Сон отвечась, што аш. Мезенкса няинь мон? Ся тя-лоня паломе, мезевок ашеме лихте. Сембе жуватаньке, добраньке, сёроньке палсть. Лихтине удома тодунязень, платьязень. Утордонок алясь няезе куломанцты, а сосед авась няезе странав туманц инкса, кудонц кадоманкса. А Гришась ашезе няе, сон шумбраста эряй мянь тянемс», — корхтай Рузманова Прасковья Павловна. Сонь 60 кизоц.

5. Сон жа азондозе омбоце чудилать, конань няезе. Сон корхтай: «Сявине ведрать и тунь калда-зу. Кармань валгома куцематнень эзга калдаз шири и варжакстонь ужети. Тоса ащи мазы и осал стирня. Прясонза косынканя, пенянзон кирдезень кядьсонза, а пенясна сускфт кургозонза, сонць пштетьф ужети. Мон пшкядень: «Тон аф Калдаз авась?»

— Да.

— А паронди няйхте?

— Нинге тон пара вешендят? — сонць ащи. Мон пяконяста эводень, маряса, ёнезе кармась маштома. Мон тунь куцема кенордазь, прань кудонгольти, ведрась прась кядьстон. Атязе лиссь теезон, кармань азондома тянь колга. Лиссь сон калдазти, стирнясь ни ашель тоса. Нолдазе атясь траксть ушу и потязе, а монь ёжезе ашель кафтошка ши. Няине тунда, а паломе тялонда. Сон азозе, што аф паронди няине».

6. «Молян шумбраста — парста ките тев мельге. Кить крайса ульсь песок васта. Вдруг кеподсь шары буря. Мон лоткань и ванан. Бурясь кеподсь ся вастть эзда, коса песок ульсь. Бурять куч-каса няевсь кода ломань куцсь вяри. Тя ломанць бурять мархта моладсь тейне и пяшкодезень кожфть мархта тя песокть эса сельмонень. Мон мрдань меки, чуть пачкодень, стане сярять-кстсть сельмоне. Тя мон пяк грешнаян, сяс Шкайсь монь мархтон тяфта тись. Эстонь шиня сельмоне кармасть сярядема, а тяни ни кефкие киза кода совсем аф няян — сокоргодонь, мезе-вок аф эряви жизняса, кда сельмотне аф няихть», — корхтай Гришанина Александра Иванов-на, конанди 70 киза.

7. «Минь велесонк, мзярда кулы ломань, тиендихть поминкат. Сонь поминандасазь вейхкса шида меле, комсь шида меле, нильгемонь, пяле киза, кизода меле. И каждай поминкатне тиен-девихть илядь и обед омбоце шиня. Фкя ава якась илять поминандама фкя од аванянь. Сон кулось больницяв кяпе, галош. Вов тусь куду авась и мадсь. Мянь кенерсь матодовомс, мо-ленди тя кулофсь и тостиесы, сонць корхтай: «Стяк, тётай, дай тейне кямотнень, мон ванды обедта меле тона светти нолдасамась, а монь аш мезе пильгозон щамс». Авась варжакстсь, а сон ащи вельхкссонза и вдруг юмась. Авась озондсь и меки мадсь. Сон тага мольсь и оду тостиесы, кортамок: «Максайтть, ина аф кямотнень? Да нинге кофтат давай полафттама». Авасьпш-кядсь, што кофтац сонь шобда тюсса, тейнза аф ладяй. Сон тусь маластонза, а авась стясь и кар-мась озондома. Меле азондозе поминкатнень эса, кода сон якась. Мамац кандсь туфлят, коф-таня церькаву, сяс мес пичеди стирнянц тона шинц инкса». Азондозе Келаскина Евдокия Мат-веевна. Сонь 56 кизонза.

8. Велеряйсь Позднякова Федосья Ивановна азондсь тяфтама случай: « Весть пидень пярякат. Пидевсть, таргайне пянакудста и путыне моркшть лангс, а монць лисень ушу. Вдруг маряса тиевсь шум. Сувань куду, пяряказе фкясь комотсь моркшть лангета и тусь кудть эзга якама. Мольсь, мольсь пянакудть шири и лоткась. Мон кармань корхтама парс или аф, а монць озон-донь. Сон уторозон отвечась, што парс. Тяни учан кудти ули цебярть эса».

9. «Мон пяк еярядень потмонь пяльде, — корхтай велеряйсь Алаева Мария Архиповна, конан-ди 75 киза. — Вов весть мон удан, моленди теезон акша сакал атяня. Мон няине атянять и пяк эводень. Сувась сон лиезь, валомня. Атянясь тейне корхтай: «Тон тят пеле, мон мезевок тонь мархтот аф тиян, а указондан, кода тейть пчкамс. Шобдава стяк, юксыйть и орадыйть касат-нень, озонтт, кочкак тишет (азондозень кодамот) и эрь шудаваня синь лакафтыйть. Сокть эзда эрь шиня сипть», — а сонць шумфтома кеподсь вяри и тусь лиезь кудть эзда. Мон тяфта и тиень. Аф ламода времада мон правондань».

10. А Беляева П. П. азондсь вов мезе. Сонь ульсь сазороц. И вов одняста шачфтомда меле ку-лось. Илядсь сонь сисем кизоса цераняц. Сонь пяк лама добрац илядсь куломда меле. Мамац пяк тосковандась аф стирть инкса, кода добратнень. Вов акась мадсь, а сон эрясь аф ичкозе ма-манц эзда. Вдруг кенкшезост стукай кие — бди. Сон лиесь и кизефнесыне, кие тоса. Сон отве-чась, што кулоф сазороц — Анисья, корхтась цють кулевиста, што азольхце маманцты, инксон-за афоль аварде, добранзон инкса тожа, што тейнза тона светть эса мезевок аф эряви. Акась азондозе сянь колга мамати. Сяда меле мамась лоткась паршихнень инкса горяскоткшнема, стиртьке сяда шуроста лятфнемда. А сонць пяк эводемать эзда кувать мадсь васта».

Лама тяда башка азкет якайхть Боздуновка велеса, конатненди эряйхне верондайхть.

Рассказали в 1969 г. жительницы с. Новые Выселки, названные в тексте.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу