Шись, Ковсь и вармась

Эрясть-ащесть атят-бабат. Ашель синь фкявок цёрасна, фкявок надёжасна. Ульсь синь колма стирнясна. Варжазь — пенгасна шумордавсть, а кудсна кельме, аш мезьса панемс-пидемс, аш мезьса куднясна эждемс. Мезе тият? Атясь аноклась повозка, тусь вири пенганкса. А шись ульсь кельме, аера варма уфась, и атясь, кеподемок менельти шаманц, пшкядсь:

— Ши, Шиняй, эждиняй, тряйняй, кда лиселеть маниста, псиняста — стирезень максолине рьвакс!

Мазолгодсь, кармась псиняста эждема. Атясь мрдась куду, прьгафтозе алашанц. Аньцек сувась куду — пайге вайгяльхть марявихть. Варжакстсь вальмава-тройка алаша лоткась вальмялу. Пяшксет ломаньда. Сембе щафт золотаса, щамсна пидолдыхть, шамасна валдонят. Ну и сявозь оцю стирнянц. Весть бабац корхтай:

— Атя, атя, мольхть раднянь варжама, афи кулевихть, кода синь эряйхть-ащихть. Может, мода лангета ваймосна ни тусть. Кильдезе алашанц атясь, тусь раднянь-плямонь варжама, эсь лома-нензон няема. Мольсь — каванязь тоса, симдезь-андозь. Симфста меки сась сон туста вирь пачк. Мезевок аф няеви. Пови тарад сельмоти — алкс ваткави. Моли шобдать пачк и корхтай:

— Вов кода лиселеть, Ковняй, Ковняй, сия валдоняй, кда тон варжакстат лангозон, валдопто-лить кинязень, — максолине стирезень рьвакс.

Ковсь лиесь, варжакстсь атять лангс, валдоптозе кинц и атясь пачкодсь куду. Сувась куду, кар-мась карксонц юксома: Диль, диль, — кулевсь пайгонь шавомат.

Варжакстсь келиста панчф кенкшть лангс: куду сувась пефтома ломань, афи содафт, но пяк вееялат, сиянь щамса-карямса. Кармасть атять-бабать потчевамост. Тяфта еявфоль кучкас-тонь стирьсна. Весть бабась варжакстсь сусусекти: аш сёросна, аш почфена, аш салена.

— Атяй, — мярьгсь сон, — архт рамама.

Атясь ладязе нурдонянц, кильдезе алашанц и тусь базару. Тоста самстонза шись летькомсь, перьфпяльсь кельмось. Атясь корхтай:

— Варма, Варма, тон сембе светть шарсак, сембонь няйсайть, вийцень мархта сембонь сафтсак, сёротьке касфтсак, ерхкафтыйть оцю бурять, срафтыть — калафтыть начка туцятнень, сязен-дить кельме аератнень. Тият тяфта — стирезень максса рьвакс.

Кеподсь варма, кеподсь шары давол, туцятне пакшкянь-пакшкянь сязендевсть, нозон-довсть, ушесь сетьмось,эждевсь и атясь пачкодсь кудозонза. Эрясь аф ламос, бабац корхтай:

— Кода лия масторса эряйхть минь стирняньке — афи содасаськ. Инксост седизе архтовсь се-нем качамса, пичеди инксот. Атя, молелеть варжамост стирняньконь-овоньконь. Тусьатясь оцю киге, коза — афи содасы. Арды и арды, а кись пефтома. Но вов куцсь сон оцю панда пряс и няи тоса золотань куд. Сувась тоза, а тоса-эряйхть сонь стирец и овоц. Овоц сонь — шись. Ярх-цамда, пиравамда меле, Шись корхтай:

— Аде, атякай, эшелятама, баняса парятама.

Сувасть баняти, атясь дивандай: банясь кельме, нинге апак уштт. Шись варжакстсь атять лангс, пеедезевсь.

— Сейчас уштсаськ, эждьсаськ!

Уфась Шись банять потмос, банясь уштовсь, псилгодсь. Атясь эшелясь-тись и оцю казне мархта срхкась куду, а повсь Ковнять пяли. Васьфтезе атять Ковсь. Ковсь каванязе — потчивандазе, ваймама матозе, а меле тердезе баняв эшеляма. Сувасть баняса — кельме и шобда. Атясь ди-вандазевсь:

— Кодама тяса эшеляма, аш лямбе, аш валда. Ковсь варжакстсь атять лангс и рахазевсь:

— Сейчас банясь ули и явафтф, и валдоптф.

Ковсь тонгозе суронц баня каменняти и банясь и псилгодсь, и валдомсь. Эшелясть, тусь куду. Атясь ваймясь-тись и оцю казне мархта омбоце шиня тусь бта куду тройкаса, а повсь Вармать пяли. Тоса тага атясь симсь, ярхцась, тага эшелясь баняса и колмоце максф тройкаса казнень ускома срхкась куду. Вармась, рьванц — Вармавать мархта — тусь сонь ильхтемонза. Атяти эрявсь ётамс ляйнять турке, но маласа фкявок седня ашель.

Варматясь корхтай вармавати:

— Юкск кядень руцяняцень карксста.

Атять стирец юксозе руцянянц карксстонза, ацазе ведть лангс, озафтозе лангозонза атять по-восканзон мархта, Вармась уфась и атясь ётась тона бокти, повсь эсь модазонза. Сась куду атясь и корхтай бабанцты:

— Аде,эшеляма. Бабась корхтай:

— Вдь банясь апак уштт, васенда эрявихть пенгат, тоса уштома. Атясь мярьги:

— Мон и апак уштт банять эждьса. Сувась баняти, каязь щамснон-карьснон, и атясь уфай — ба-нясь всё кельме. Бабась сюцезе атять всякай лимось — еюнень валса, калтадезе сурса коня ланга и лиесь. Сась омбоце шиня бабась сонць, уштсь баня. Срхкась — тись эшеляма, эрявсь ся-вомс фонарь, но атясь тянь тиемс ашезь мярьге. Синь мольсть баняв. Аньцек сувасть, атясь тонгозе суронц сёвонень каменкати, тага весть тонгозе — банясь ашезь валдома. Бабась атять сюцезе всякай валса, вачкодезе сурса коня ланга и лиесь. Сась колмоце шись, атясь корхтай:

— Баба, а, баба, аде уендема! Бабась корхтай:

— Минь аш уендемс лодканьке! А атясь:

— Сяфть сяда оцю руця.

И тусть ляй трвати. Атясь ацазе руцять ведть лангс, озафтозе бабать. Бабась аньцек кармась озама, кармась ваяма, пешкодома кармась. Атясь ювади:

— Киртть аф ламняс, аньцек аф ламняс, тят пеле, аф ваят, туян уендема и монга. Атясь кар-мась уфама Вармать лаца, уфай и уфай, а уема аш.

Мзярс атясь уфсесь ведть лангс, бабац нинге пешкодсь, пешкодсь-тись и курок ваясь. Атясь корхтай:

— Наконец-та эздонза освободиндавонь. Сембе эряфозень муцязе-калафтозе. А тяни — ська-мон. Тяни лия бабас молян!

Рассказал в 1968 г. житель д. Поповка Д.Л.Шуляев,1910 г.р.
Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений"

Мокшанский фольклор Зубово-Полянского района

На первую страницу

Hosted by uCoz