Весть алясь тусь охотас. Аньцек сувась вири, ваны: кафта алят тюрихть. Кодак няезь сят бед-най алять и кафцьке пешкодыхть. Фкясь мярьги — «Монь араламак», омбоцесь пешкоды «Монь араламак!» алясь ванць, ванць и топадезе фкять. Омбоцесь комотсь и печкозе сянь. Печкозе-тиезе и корхтай беднай аляти:

— Тяни тон улят монь родной брадозе, аде монь мархтон. Мезе тейть тидязе максы, тон тят ся-вонде.

Тусь беднай алясь цёрать мархта. Цёрась сявозе сонь мода алгань киге. Мольсть, мольсть, пач-кодсть цёрать пяли. Цёрась азондозе тидянцты, кода сонь аралазе беднай алясь. Цёрать тидяц кармась максома аляти золота.

— Сяфть, — корхтай, — мзяра тейть эряви.

Но алясь атказась золотать эзда. Тядяц цёрать макссесь и жуватат, и месть, цёрась мезьге изь сяве. Сяльде цёрать тидяц корхтай:

— Панчк кургцень.

Цёрась панжезе кургонц и тя тюфадсь кургозонза аксоргс. Цёрась нилезе, сонць лиссь тоста, а сонць арьси: «Мее, дураконясь ашень сяве золота или жувата. А тяни сельгеь кургозон и прва-жамань». Аньцек кенерсь цёрась лисемс мода алдонь киста, марясы варсихть корхтайхть:

— Ванодова, пакеява якай учань стада, ётксонза оцю боран, кда ся боранть топадьсаськ — лиси вастозонза золота.

— Кочкака, ава, сяда лама кяскав, да аде лавкав.

Мольсть лавкав, а тоса аньцек баярхт, синь ваныхть, месенди беднай алясь. Тя мольсь лавоч-никти и кизефни:

— Вана койна пальтась мезе тии?

Лавочниксь азондозе. А козятне арасть и рахсихть:

— Э-э, ванака, мезьса ёрай якамс нола тулось! Аф тонь ярмакнень коряс ня одёжатне!

А беднай алясь афи кули ширезост, кочкай и кочкай. Кочкась первай эстейнза, мезе эряви, тяда меле аванцты, а сяльде шабанзонды. Таргась сон зепстонза несколька золотаня и няфтезень лавочникти.

— Сатыхть? — кизефнесы.

А лавочниксь пешкоды:

— Сатыхть, сатыхть, нинге мезе-мезе сяфть.