Беднай аля

Эрясть-ащесть миртть-рьват кафонест. Синь ульсть пяк лама шабасна. И вов сась праздник, а синь шабаснон аш мезьса андомс. Вот и алясь корхтай авати:

— Молян охотас, шять мезе-мезе шаван. Мярьгсь стане и тусь. Пачкодсь сон эрьхкть трвас, озась и учи, шять, яксяргоня пови. Ваны, и мезе няи: колдунць озаф эрьхкть трвас и сеенькшни шяярензон эса, а шяяренза стама кувакат и сидет, што пачкает мезевок аф няеви. Ваны алясь, колдунти моли врьгаз и вот-вот фатясы. Цёрась думандай: «Дай, араласа». Сон кодак пешкоды: «Вортть, врьгаз сифтянза!» Колдунць эстокиге жольнефтсь ведти. Аф ламос ащемда меле ли-есь колдунць ведьста и корхтай:

— Спасиба, аля! Монцьке парцень аф юкстаса. Снярда, снярда сяфтядязь служама, ся, ся васт-са ули эши. Пачкодят ся эшить ваксе и серьгятть: «Тясат, приятель?»

Алясь ляцеь фкя якеярга и тусь куду. Эрясть-эрясть аванц мархта, и вот сонь еявозь армияв, а цёрать мяльсонзонга ашель колдунць. Эста якальхть нинге ялга. Вов пачкодсь ся ваетти, коза мярьгондсь колдунць, ваны тоса эши. Цёрась комась и корхтай:

— Эй, друг, тясат?

— Тясан, — марявсь вайгяль.

Лиссь колдунць и корхтай цёрати:

— Сейчас каннек тяза возов пять пиче таратт и крьвястть тол, а мон панян тяза табун алаша, а тон сяфть кядезт тарад и панцить ся алашатнень снярс, мзярс аф лиси фкя эльде, сянь кргас тон ашкотт.

Алясь стане и тись. Мезькс алашань табунць изь лисенде, сон синь панцезень тол марти, и вот лиссь эльде. Цёрась ашкодсь эльтть кргас. Лиссь колдунць и корхтай:

— Ва тя алашась ули тонь. Сявк и ватт мельганза сяда лацкас.

Цёрась озась алашать лангс и тусь эсь частенц сатома. Ардсть, ардсть, цёрась ваны — кить лангса жар-птицань толга. Цёрать мяльс тусь толгась и ёрасы еявоме, а алашась аф мярьги еявомдонза. Ардсть, ардсть мусть кштирь. Алашась корхтай:

— Тянь сявк.

Ардсть, ардсть, мусть моцькяндема. Эльдсь корхтай:

— Тяньге сявк.

Цёрась еявозе. Ардсть, ардсть, мусть ерхцом. Алашась сяньге еявфтезе. Тусть синь ардозь и ку-рок сатозь частьснон. Цёрати макссть, кода и сембонди, конюшня, тоза цёрась сувафтозе ала-шать и стенав повфтазе жар-птицань толгать. Илядыхнень алашаснон конюшнясна шобдат, а цёрать алашанц вастоц валда. Алашась кармась правондама.

Фкя шиня ётась проверка. Ваны проверкась: сембонь алашасна осалхт, а алять алашац справ-най, да вастоцка чистендаф. Проверкась кармась солдаттнень сюцема и примерке путозе алять.

— Вага, — корхтай, — кодама алашац справнай.

Конат-конат кяжияеть и корхтайхть, што сонь алашац справнай сяс, мес тоса жар-птицань тол-га, а сон, кле, мярьгсь, што жар-птицать сонцень достану. Проверкась тусь и азондозь солдат-тнень корхтамаснон оцюняснонды. Ся тердезе алять и корхтай:

— Достань тейне жар-птицать, а то голову не носить. Мольсь алясь алашати, а сонць аварди, стане и стане, кле. Алашась и корхтай:

— Няить мярьгондень, тят еявонде жар-птицань толгать, ашемайть кулхцонда. Аде, озак лан-гозон, тянь нинге минь тисаськ.

Ардсть, ардсть, музь жар-птицать вастонц. Сонь пизоц ульсь кемгафтува шуфтонь сереса пи-чень пряса. Алашась и корхтай:

— Кда мон аф комотян пичеть пряс, коськост пильгоне, если тон аф фатясак жар-птицать, коськост кядьтне.

Алашась кодак максы разгон и комотсь пичеть пряс, цёрась жар-птицать, и синь тусть ардозь састь, максозь начальникснонды жар-птицань, и цёрась путозе конюшняв меки алашать. Ала-шась ваймясь-тись и тага кармась правондама. Но и цёраське пяк лац ванць алашать мельге.

Вот тага ётай проверка. Алять алашанц тага признали самай стройнайкс. Но ламоньди ульсь завидна и синь корхтайхть:

— Сон фалендась, што Елена Прекраснаень мусы и тяза тусы.

Оцюнясь тердезе цёрать и корхтай:

— Кда Елена Прекраснаень аф тусак — голову долой.

Сась цёрась алашати и корхтай:

— Стака тев макссть, вряд ли достанем. Тон аноклак сяда цебярь пикскя.

Цёрась анась цебярь пикскя и синь алашать мархта тусть повозкаса. Ардсть синь пяк ламос и музь Елена Прекраснаень эряма вастонц. Сон ульсь 12 замок эшксса, а кудть перьфке ащесь це-лай войска. Эрь кенкшста шнурсь сотнеф пайкти. Алашась корхтай:

— Мон пулозень мархта люпштасайне пикснень, штоба пайкне афольхть шава и псьтиттьксса панчсайне кенкшнень, а тон ся пингть салак стирть и сотнек. Синь стане и тисть. Но толька алашась нолдазень пикснень, эстокиге пайкне ушедсть шавома. Но алашась ардсь пяк вишкста и ётасть ни сатомшка васта. Ся шовор синь кармасть сатнемонза Елена Прекраснаень войскац. Алашась корхтай:

— Ёрдак кштирть!

Цёрась ёрдазе кштирть и вастозонза шачсь келуня. Мзярс войскась керсесь келуналть эса, ала-шась тусь пяк ичкози. Но керомда меле алашать тага вот-вот сатнезь. Цёрась ёрдазе моцькен-демать. Вастозонза шачсь ушторнал. Войскась тага кармась керомонза. Алашась тага тусь ичко-зи. И вот ваны цёрась, тага сатнесазь. Сон кодак ёрдазе кштирялксть — арась панда. Куцихть, куцихть войскастотне, кж-ж-ж алу прайхть, стаки ашесть сатов. А нят ускозь Елена Прекрас-наень и максозь оцюняснонды. Оцюнясна пяк кенярдсь, што сонь авац ули тяфтама цебярь стирь. Но Елена Прекрасная мярьги:

— Мон улян сянди авакс, кона эшеляй эльдень лакай лофцса.

А сонць мярьги оцюняти:
— Эшеляма кармат тон и ся цёрась, кона монь саламань.

Тяни кизефкссь ульсь стама: коста сявомс чан эльдень лофца. Оцюнясна тага тердезе цёрать и корхтай:

— Кда аф ускат лофца, то голову долой!

Цёрась тага сась алашанцты авардезь, азондозе, мезе корхтась оцюнясь. Алашась корхтай:

— Монь ули тядязе, сон потяфты 12 ваша, кда сон макссы лофцонц, то ули целай чан. Но сон вряд ли макссы, а тюрезь сон тейне аф сяськови.

Озась цёрась алашать лангс и синь тусть. Пачкодсть оцю лашмос, тишесь пиженя, мяк метрань сереса, ся лашмоса боком веляф эльде, перьфканза 12 ваша. Алашась эняльгодсь тидянцты, и ся нолдазе лофцонц. Нят сявозь лофцть и тусть. Ускозь лофцть и кармасть лакафтомонза. А цё-рати аш месендемс, эшеляма. Сон тага аварьгодсь алашать инголе. Алашась и корхтай:

— Вага мезяма, мзярда тонь терттядязь эшеляма, тон мярьк, штоба вятелемазь монь. Мярьк, што хоть мекольцеда прощандат мархтон. Мон пркстадян, а тон ся пингть комотть лофцти.

Цёрась стане и тись. Аньцек алашась пркстадсь, цёрась комотсь лофцти, лофцсь аньцек лям-боня. Сон лиссь тоста, нинге сяда мазы цёракс. А оцюнясна ваны — цёрась меки лиссь и корх-тай:

— Тя нолга тулось эшелясь, а мон аф, да мон сяда цебярьгодан.

Сон кодак комоти лофцти, и ваенза тусть ланга. Шянядсь дурак пря баярсь. А цёрась рьвяясь Елена Прекранаень лангс, и синь тячемс эряйхть козяста и тазаста.

Рассказал в 1969 г. житель с.Мордовская Поляна З.Д.Егоров, 1897 г.р.

Приведено в книге : Б.Ф.Кевбрин, В.И.Рогачёв, А.Д.Шуляев "Живая память поколений".

Мокшанский фольклор Зубово-Полянского района

На первую страницу