Республика Мордовия

 Историко-этнографический сайт

 

ЛИТЕРАТУРНОЕ ТВОРЧЕСТВО ЗУБОВОПОЛЯНЦЕВ

Ждём новых произведений от зубовополянцев и выходцев из района, а посетителям сайта желаем получить эстетическое удовольствие от чтения их.

На предыдущую страницу    На следующую страницу

Николай Голенков

КАТОТЬ ПИНЕ ЛЕФКСОЦ

Фкя содафозе фалу кирнесь катот и пинет. Кода лиятне афольхть корхне кудонь ня жувататнень кол-га, а сонь пирьфсонза катось пиненц мархта эрясть пяк ладязь. Аф кунара ёфси «раднякс» арасть. Атять пирьфса пцтай фкя пингть лефксозасть катоське и пинеське. Ката лефкста ульсь ветешка, а пине леф-кста кудазорсь кадсь аньцек фкя. Еразе полафтомс Жучканц, кона сиреняль ни. Ашесть кенерь пине лефксть панжемс сельмонза, тядяц, Жучкась, повсь машина алу. Атясь пине лефкскять ушедсь потяня вельде аннемонза. Ацась алонза ташта ватола, вельхнезе. Шавос сембось — тяряфтт киртьк фкя васт-са пине лефксть. Сон фалу лисендсь вельхксонц алда, якась, никссесь аф ламос, а сяльде сувсь и со-коткшнесь.

Атясь афи содазе месендемс пине лефксть мархта. Меколи сяшкава ужяль арась, хуш куду эряма су-вафтк.

Сембось шарсь лиякс. Кати катоти арась ужяль пине лефкскясь, кати сонць ямбарсь пачкодсь катоть лефксозама вастозонза — тянь кивок ашезе няй. Нюрьхкаста азомс, катось примазе пине луфксть эсь юромозонза, и сон кармась утцема и эряма ката лефкснень ёткса.

Пингонь етазь пине лефкссь кассь, арась оцю пинекс. Сембе ётайхнень увасыне, киньге азорть кудс аф нолдасы. Сембе пелихть эздонза. Аньцек аф катоц. Муркась сидеста нльне утци пинеть кудняса, а куд-нянь азорсь ванфнесы катоть удоманц.

ДАЧАНЬ АЗОР

Мелянь сёксенда дачасонк эвондась ката. Коста сон сась? — тянь кивок ашезе сода. Инголе сон якась, мявкснесь, азоронц вешендсь. Няезе стирнязе, кудняти кандозе. Ушедсь ваннемонза, уженяти васта ацась, каванязе мархтонк кантф ярхцамбяльхнень эзда.

— Куду сявса, — меколи пшкядсь стирезе. — Тяса вачеда кулы.

— Ули кудса катоце, — ушедсь апрякамонза рьвязе. — Сяньге мельге лацкас аф якат. Кочкайть нинге бралги катотнень. Ердак тяста, катк эсь азоронц вешсы.

Катоть стирезе ашезе ёрда. Тумстонк маразень инголенза ярхцамбялень ляткснень, ведня банканяс ка-ясь. Туме куду.Омбоце шиня, шобдавакиге, стирезе кизефнесамань:

— Тон тячи дачав аф молят?

— Аш месендемс тоса, — корхтан, — аньцек исяк улеме, панденятнень валоськ, сордишетнень тарк-сеськ.

— А катонясь тоса ськамонза.., — лиссть лангу стирезень сельмоведенза. Савсь вал максомс, што рабо-тала меле молян дачав. Мзярс срхксень, стирезе кенерсь холодильникста таргамс калхт, колбаса пакш-кя керомс, ёмла сюлеканяс лофца каясь.

Тяфта сёксеть самс савсь дачав аф тевонь тиема, а катоти ярхцамбялень каннема якамс. Катось сяш-кава тонадсь: нинге пачкодемс ашень кенерькшне, вайгяль макссесь. Мявкснезь ярхцамбяль вешсь.

Сась сёксесь, аделавсть тефне дачаса. Нльне кенярдень, мзярда катось кати-коза юмась. "Аф эряви тя-ни тевфтома пилькнень тапсемс", — арьсень эста. Катоть юмаманц колга азонь латта стирезенди. Сон нльне аварьгодсь. Мон, кода маштонь, басяйне, кле, пади, сай, а, пади, азороц музе. Пингонь ётазь юкс-нема кармаме эрьготьф катоть колга.

Сянкса конашкава дивандань, мзярда тялонда молень дачав. Панжине куднять, а тоса катось. Стяфто-зень понанзон, кеподезе пулонц, куйкс вяшки. Бта аф мон, ярхцамбялень каннись, инголенза, а пине су-вась кудозонза. Сетьмось аньцек эста, мзярда максыне тейнза куя пакшкять и кшить, конань сявондине мархтон. "Мезьда ярхцсесь, кода эрясь?" — арьсекшнень марлюфнень ёткова якамста. Тяса ульсть аньцек катоть пильгокинза. Шееронь кинят, кодамода эрь тялонда ламоль и монцень, и шабранень да-часа, тядде ашельхть. Катось кудняв сувсесь и тоста лисендсь вальмянь форточкава, коса кунара ни колафоль клянцексь.И ульсь тоса афкуксонь азоркс.

ЭШКС ВАСТОНЯ

Мзярда озафнесть од шуфтонят, инь парганась эняльдсь шуфтонь эсь Шкаенцты:

— Макет тейне вастоня, штоба улель тоса ляпоня, эшкекя, штоба аера варматне афолезь синне тарат-кянень, штоба сери лофне кяшенделемазь цят моли якшамда.

И вдь кулезе шуфтонь Шкайсь парганать эняльдеманц. Кочкась тейнза васта лия шуфттнеиь эшкес, коса модаське сяда ляпе, оцю шуфттне кирнесазь лофнень.

Эрясь-касондсь од шуфтонясь и кеняртькшнесь, мес повсь цебярь вастс. Нльне пеетькшнесь ялганзон лангса, конат кассть штада вастса. Синь и варматне сейхнезь, и пизепне муськозь, и кельмотне эйндаф-незь...

Зшкс вастс озафтфеь ламос касондсь. Ронгоц, ульсь виденя, пряц паргана. Сонь мялецоль вакссонза ка-сы шуфттнень ётамс. Пряц коль шиняти венемсь, а юронзон кемокстамаснон колга афи арьсесь.

Сась пинге, керозь ломаттне од шуфтонять перьф касы сире шуфттнень. Сядонга кенярдсь шуваня рон-гонясь. Вдь сон ялганзон коряс ламода виде, ламода сери...

Весть кеподсь вии варма, сембе од шуфтонятнень тарадснон мянь модати мянцезень, а виде ронгть та-радонза ульсть вярет, ашесть мянцев в
армати. Сяс итаргазе сонь даволсь юрнек, веляфтозе эше вас-тонь кельгинять.

На первую страницу
На страницу Культура и образование
На первую страницу с творчеством зубовополянцев
На предыдущую страницу с творчеством зубовополянцев

На следующую страницу с творчеством зубовополянцев

Hosted by uCoz